Rabas virgi: Vuosttaškonsuleanta/ráđđeaddi - gielladoaimmat - julevsámegiella

Sámedikki giellaossodagas lea rabas bistevaš virgi áššemeannudeaddjin. Álgin lea farggamusat. Bargobáiki lea Sámedikki kántuvra Ájluovttas.

Ođas | Almmuhuvvon , ođasmahtton

Barggut

Virggi váldobarggut:

  • Plánet ja čuovvulit Váibmogiela árvalusaid
  • Rávvet ja ovddidit Sámedikki áŋgiruššamiid gielladoaimmaide julevsámegiela áššiide
  • Bidjat johtui ja čuovvulit konkrehta gielladoaimmaid
  • Plánet ja organiseret konferánssaid ja semináraid
  • Doallat oktavuođa ja čoahkkimiid álbmogiin
  • Áššemeannudit, raporteret ja evalueret
  • Eará fágalaš ovddideapmi Sámedikki giellaáŋgiruššama fágasuorggis

Virgái sáhttet maid biddjot eará barggut mat gullet Sámedikki doibmii.
Virgái gullá mátkkošteapmi.

Gelbbolašvuohta

Virgái gáibuduvvo oahppu allaskuvllas/universitehtas unnimusat bachelordásis, servodatsuorggis, eará relevánta fágasurggiin dahje fágasurggiin mat čatnasit giellasuorgái.

Son guhte virgáduvvo ferte máhttit sámegiela ja dárogiela, njálmmálaččat ja čálalaččat. Máhttu julevsámegielas deattuhuvvo. Muđui gáibiduvvo máhttu sámi servodatdiliid birra, erenomáš dehálaš lea dovdat julevsámeguovlluid servodaga ja gielladili.

Bargohárjáneapmi ja vásáhus giellahálddašanbargguin ja almmulaš hálddašanbargguin

Muđui deattuhuvvo:

  • Buorit gulahallan- ja ovttasbargodáiddut
  • Buorre njálmmálaš ja čálalaš ovdanbuktindáidu
  • Dáidu bargat iešheanalaččat ja ulbmillaččat
  • Veahkkáivuohta
  • Persovnnalaš dohkálašvuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1408 vuosttaškonsuleanta dahje 1434 ráđđeaddi.

  • Bálkkás gessojuvvo 2 % Stáhta penšuvdnakássii
  • Buorit loatna- ja penšunortnegat Stáhta penšunkássas
  • Máškidis bargoáigi ja buorit čálgoortnegat
  • Buorre bargobiras mas don leat okta váikkuheddjiin

Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.

Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.

Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.

Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahčalanáigi.

Oktavuohta

Eanet dieđuid virggi birra oaččut go válddát oktavuođa:

Ohcan

Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".

Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.

Oza bargui

Ohcanáigemearri

Cuoŋománu 1. beaivvi 2020

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!