Rabas virgi: Áššemeannudeaddji - Ealáhusovddideapmi

Sámedikki ealáhus-, kultur- ja dearvvašvuođaossodagas lea rabas bistevaš virgi áššemeannudeaddjin ealáhusjuhkosis, álgin farggamusat.

Ođas | Almmuhuvvon

Bargosadji lea muhtun Sámedikki kánturbáikkiin gos lea guoros sadji. Dál leat mis guoros sajit Kárášjogas, Guovdageainnus, Gáivuonas, Unjárggas, Skániin, Snoasas ja Divttasvuonas.

Barggut

Virggi váldobargun lea váikkuhit ealáhusovddideami sámi guovlluin, maiddái Sámedikki guolástuspolitihka ovddideami ja čuovvoleami. Vuolggahit ja heivehit prošeavttaid, prográmmaid ja proseassaid čađaheami mat váikkuhit ealáhusovddideami. Virgái gullá maiddái áššemeannudit Sámedikki váikkuhangaskaomiid, ja čuovvulit ja ovddidit daid.

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Virgái gáibiduvvo oahppu allaskuvllas/universitehtas masterdásis, vuosttažettiin servodatfágas dahje fágasurggiin mat čatnasit ealáhusovddideapmái dahje guolásteapmái. Bachelordási ohccit geain lea guhkes ja áigeguovdilis bargovásáhus sáhttet maiddái árvvoštallojuvvot.

Sámegielmáhttu deattuhuvvo mearrideaddjin ohcciid gaskkas geain muđui lea seammalágan gelbbolašvuohta.

Muđui deattuhuvvo:

  • Máhttu sámi servodatdiliid birra
  • Vásihusat fitnodat- ja ealáhusovddidanbarggus
  • Buorit gulahallan- ja ovttasbargodáiddut
  • Buorre njálmmálaš ja čálalaš ovdanbuktindáidu
  • Dáidu bargat iešheanalaččat ja ulbmillaččat
  • Veahkkáivuohta
  • Persovnnalaš dohkálašvuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 ráđđeaddi dahje 1364 seniorráđđeaddi, ovdalis vásáhusaid ja gelbbolašvuođa vuođul.

  • Bálkkás gessojuvvo 2 % Stáhta penšuvdnakássii
  • Buorit loatna- ja penšunortnegat Stáhta penšunkássas
  • Máškidis bargoáigi ja buorit čálgoortnegat
  • Buorre bargobiras mas don leat okta váikkuheddjiin

Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.

Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái. Ohccit geat eai hálddaš sámegiela go virgáduvvojit, sáhttet ovttasráđiid bargoaddiin geatnegahttojuvvot váldit oahpu sámegielas.

Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.

Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahčalanáigi.

Oktavuohta

Eanet dieđuid virggi birra oaččut go válddát oktavuođa:

Ohcan

Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".

Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.

Oza bargui

Ohcanáigemearri

Juovlamánu 20. b. 2019

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!