Gulahallanráđđeaddi - Sadjásaš virgi

Sámedikki gulahallanossodagas lea rabas sadjásaš virgi gulahallanráđđeaddin, mas álgin lea farggamusat ja virgeáigodat lea jagi.

Ođas | Almmuhuvvon , ođasmahtton

Bargosadji lea muhtun Sámedikki kánturbáikkiin gos lea guoros sadji. Dál leat mis guoros sajit Kárášjogas, Guovdageainnus, Gáivuonas, Unjárggas, Skániin, Snoasas ja Divttasvuonas.

Barggut

Gulahallanossodagas lea ovddasvástádus gulahallamis ja diehtojuohkimis Sámedikki doaimma birra.

  • Gulahallanfágalaš ráđđeaddin politihkalaš jođiheddjiide ja organisašuvdnii muđui
  • Hábmet gulahallanstrategiijaid ja kampánjjaid ovttas fágaossodagaiguin
  • Media- ja servodatoktavuohta
  • Buvttadit ja almmuhit sisdoalu Sámedikki siskkáldas ja olgguldas neahttasiidduide, lassin min sosiála media-kanálaide
  • Čállit sártniid, lohkkiidčállosiid ja preassadieđáhusaid
  • Heahtegulahallan
  • Áššemeannudeapmi ja hálddašanbarggut
  • Ráđđečoahkkimiid čađaheapmi
  • Eará gulahallanbarggut ossodagas mat bohtet dađistaga

Gelbbolašvuohta

Virgái gáibiduvvo oahppu unnimusat bachelordásis, gulahallamis, journalistihkas dahje servodatfágain. Guhkes ja áigeguovdilis bargovásáhus lea ovdamunni. Gáibiduvvo máhttu sámegielas ja dárogielas, sihke njálmmálaččat ja čálalaččat. Ferte maiddái máhttit eaŋgalasgiela.

Muđui deattuhuvvo:

  • Máhttu sámi servodatdiliid birra
  • Áddejupmi politihkalaš proseassaide
  • Áddejupmi mediamáilbmái ja sosiálamediaid geavaheamis
  • Buorit gulahallan- ja ovttasbargodáiddut
  • Buorre njálmmálaš ja čálalaš ovdanbuktindáidu
  • Dáidu bargat iešheanalaččat ja ulbmillaččat
  • Veahkkáivuohta
  • Persovnnalaš dohkálašvuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 ráđđeaddi dahje 1364 seniorráđđeaddi, ovdalis vásáhusaid ja gelbbolašvuođa vuođul.

  • Bálkkás gessojuvvo 2 % Stáhta penšuvdnakássii
  • Buorit loatna- ja penšunortnegat Stáhta penšunkássas
  • Máškidis bargoáigi ja buorit čálgoortnegat
  • Buorre bargobiras mas don leat okta váikkuheddjiin

Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.

Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái. Ohccit geat eai hálddaš sámegiela go virgáduvvojit, sáhttet ovttasráđiid bargoaddiin geatnegahttojuvvot váldit oahpu sámegielas.

Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.

Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi.

Oktavuohta

Eanet dieđuid virggi birra oaččut go válddát oktavuođa:

Ohcan

Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".

Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.

Oza bargui

Ohcanáigemearri

30.04.2019

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!