Gieddebarggut - Geassebargu

Leago dus máhttu sámi kulturmuittuid birra ja liikot gieddebargui?

Sámediggi ohca gieddejođiheddjiid ja gieddevehkiid § 9-iskkademiide plána- ja areálaáššiid báikediđoštallamiid oktavuođas Finnmárkkus, Romssas, Norlánddas,Trøndelágas, Møre ja Romsdálas ja Hedmárkkus.

Ođas | Almmuhuvvon , ođasmahtton

Virgelohku lea dan duohken man ollu leat olggobealde diŋgojuvvon doaimmat/gieddebarggut mat galget čađahuvvot 2019:s. Virggit leat gaskaboddosaččat ja álgin lea miessemánus/geassemánus 2019 ja bistet 2-5 mánu, guhkidanvejolašvuođain. Bargosadji lea čadnon muhtun Sámedikki kánturbáikkiide, vuosttažettiin Vuonnabađas, Romssas, Olmmáivákkis Gáivuonas, Skániin, Ájluovttas dahje Snoasas.

Gieddejođiheaddjit

Gieddejođiheddjiid bargui gullá sámi kulturmuittuid registreren áigeguovdilis plána- ja areálaáššiid báikediđoštallamiid oktavuođas. Bargui gullá maiddái raportabargu, sihke barggadettiin ja maŋŋel go gieddebarggut leat loahpahuvvon. Dasa lassin sáhttá šaddat áššemeannudeapmi ja registreret kulturmuittuid Askeladdenii.

Lea sávahahtti ahte ohccis lea alit oahppu arkeologiija/historjjá siskkobealde dahje sullasaš. Vásáhus kulturmuitoregistreremis ja GPS geavaheamis gáibiduvvo. Dasto sávvat ahte ohccis lea máhttu sámi kulturmuittuid birra ja vásáhus GIS ja CPOS geavaheamis.

Virgi bálkáhuvvo Stáhta regulatiiva mielde virgekodas 1408 vuosttaškonsuleantta dahje 1434 ráđđeaddi, gelbbolašvuođa vuođul.

Gieddeveahkit

Gieddeveahkit galget leat mielde gieddebargguin ja registreret sámi kulturmuittuid áigeguovdilis plána- ja areálaáššiid báikediđoštallamiid oktavuođas. Bargui gullá raportabargu maŋŋel go gieddebarggut leat loahpahuvvon, ja dasa lassin sáhttá šaddat álkes áššemeannudeapmi.

Lea sávahahtti ahte ohccis lea alit oahppu arkeologiija/historjjá siskkobealde dahje sullasaš. Virgi heive maiddái olbmuide geat leat oahpu váldime dahje geain lea relevánta vásáhus. Dasto sávvat ahte ohccis lea máhttu kulturmuitoregistreremis ja GPS geavaheamis.

Virgi bálkáhuvvo Stáhta regulatiiva mielde virgekodas 1065 konsuleantta dahje 1408 vuosttaškonsuleantta, gelbbolašvuođa vuođul.

Guoská goappašiid virggiide

Bargguide sáhttá gullat jearahallanbargu, ja danne lea máhttu sámegielas deaŧalaš gelbbolašvuohta.
Biilavuodjenkoarta lea dárbbašlaš.

Mii deattuhit:

  • Máhtu sámi historjjá ja sámi servodatdiliid birra
  • Buriid fágalaš kvalifikašuvnnaid
  • Buriid gulahallan- ja ovttasbargodáidduid
  • Buori njálmmálaš ja čálalaš ovdanbuktindáiddu
  • Dáiddu bargat iešheanalaččat ja ulbmillaččat
  • Veahkkáivuođa
  • Persovnnalaš dohkálašvuođa

Oktavuohta

Eanet dieđuid virggiid birra oaččut go válddát oktavuođa:

Ohcan

Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".
Almmut ohcamis sávvojuvvon kántorbáikki.

Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.

Oza bargui

Ohcanáigemearri

30.04.2019

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!