Pressii: Akkrediteren Sámedikki rahpama oktavuođas 11.10.17

Gaskavahku golggotmánu 11. b. 2017 rahppojuvvo 8. Sámediggi. Gonagaslaš Majestehta Gonagas ja Gonagaslaš Allavuohta Kruvnnaprinsa oassálastiba rahpamii. Preassa bovdejuvvo rahpamii.

Ođas | Almmuhuvvon

Uhcán saji geažil besset dušše akkrediterejuvvon journalisttat sámediggevistái gaskavahku golggotmánu 11. b. Akkrediterejuvvon journalisttat ožžot sisabeassankoartta Sámedikkis. 

Dieđiheapmi: 

Čálalaš dieđiheapmi sáddejuvvo deike: jan.roger.ostby@samediggi.no 

Dieđit buohkaid du redakšuvnnas geaid don háliidat searvat, ja muitte čállit sin nama, e-poastačujuhusa ja telefonnummira. Muitte almmuhit lea go son journalista vai govvejeaddji. 

Akkrediterenáigemearri lea bearjadaga 06.10.17 

Dievasčoahkkinlanjas, galleriijas ja boradeami oktavuođas leat uhcán sajit ja danne juogada Sámediggi daid sajiid.  

Geavatlaš dieđut: 

Buot preassaolbmot fertejit registreret iežaset Sámedikki resepšuvnnas gaskavahku golggotmánu 11. b. ovdal dii. 12.00.

Preassamáhpat oktan prográmmain, dieđuiguin ja sártniiguin juhkkojuvvojit.

Čoahkkinlatnja 121 lea várrejuvvon pressii. Čoahkkinlatnja lea sisaboahtinguovllu bálddas. Doppe lea TV ja doppe beassá geavahit árppohis fierpmádaga.

Akkrediterejuvvon journalisttat besset boradit Sámedikkis. 

NRK Sápmi sádde rahpama njuolgga TV ja radio bokte. Rahpan sáddejuvvo maiddái njuolgga Sámedikki neahtta-tv bokte. 

Eanet dieđuid addiba: 
Ossodatdirektevra Jan Roger Østby, + 47 481 44 696
Fágajođiheaddji Sara Beate Eira Persson, 472 70 764 

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!