PRD: Addá doarjaga nuoraidgirjjálašvuhtii

Guokte áibbas ođđa čálli leaba ožžon doarjaga Sámedikkis nuoraidgirjjiide.

Ođas | Almmuhuvvon , ođasmahtton

Sámediggeráđđi lea juolludan doarjaga sámi girjjálašvuođa almmuhemiide dán jahkái. Lagabui 100 ohcama ledje boahtán, ohcansubmi oktiibuot sullii 25 miljon ruvnnu. Dán jahkái lei várrejuvvon sullii 6 miljon ruvnnu sámi girjjálašvuhtii.

– Nuoraidgirjjálašvuohta sámegillii lea guhká jearahuvvon, nu ahte dán jagi mii leat válljen vuoruhit dan. Earret eará leaba guokte áibbas ođđa čálli ožžon doarjaga iežaska mánusiidda. Goappašagat leaba váldán čállioahpu, muitala ráđđelahttu Mariann Wollmann Magga.

Mariann W. Magga (Foto Åse M.P. Pulk-Sámediggi).jpg
FOTO | Mariann Wollmann Magga (foto: Åse Pulk/Sámediggi)

Saia Stueng lea váldán Sámedikki ja Sámi Dáiddaráđi/Sámi girječálli Searvvi lágidan čállioahpu. Son portrettere nuorra nieidda ja su vásáhusaid go son vázzá joatkkaskuvlla. «Hamburgerprinseassa” nammasaš girji lea čállojuvvon nuoraid várás.

Edel Maret Gaino lea maid váldán čállioahpu ja son čállá “Balddonasat vai veahkit” nammasaš girjjistis earálágan, gáppus muitalusaid birra masa olmmoš háluhisvuođain geasuhuvvo. Girji lea čállojuvvon nuoraid várás, muhto lea maid buorre girjjálašvuohta rávesolbmuide.

Dasa lassin lea juolluduvvon doarjja sihke ođđa mánáidgirjjiid, diktagirjjiid, sárggusráidduid ja fágagirjjiid almmuhemiide.

Earret eará lea “Tjirrh/Čebo” nammasaš mánáidgirji ožžon doarjaga. Dan lea Laila Mattson Magga čállán ja dan originálamánus lea sihke lulli- ja davvisámegillii. Maiddái Samuel Gælok mánáidgirji, “Ruoppsisgállo”, julevsámegiela originálamánusiin, lea ožžon doarjaga.

Dás oainnát buot juolluduvvon ohcamiid:

Gulahallandieđut: Ráđđelahttu Mariann Wollmann Magga, tel. 97702350

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!