Sámi vistesuodjaleapmi - Deaŧalaš kulturhistorjá

– Boarrásat sámi visttit duođaštit min historjjá, min leahkima, bearašhistorjjáid ja identitehta. Dan dadjá sámediggepresideanta Vibeke Larsen, gii oassálasttii sámi visteregistrerenprošeavtta loahpahandoaluide Gállogietti olgomuseas Evenášši suohkanis.

Ođas | Almmuhuvvon

Sámediggi lea ovttasbarggus Riikaantikvárain ja Dálkkádat- ja birasdepartemeanttain identifiseren ja registreren sámi visttiid mat leat huksejuvvon ovdal 1925. Prošeavtta ulbmil lea leamaš háhkat dieđuid ráfáidahttojuvvon sámi visttiid birra Norggas.

Prošeaktaáigodagas 2011 rájes leat registrerejuvvon lagabui 1000 vistti, Plassje rájes lullin Deanu rádjai davvin.

Maŋŋebárgga borgemánu 29.b. čalmmustahttojuvvui sámi visteregistrerenprošeavtta loahpaheapmi Gállogietti olgomuseas Evenášši suohkanis. Gonagaslaš Allavuohta Kruvnnaprinsa Haakon oassálasttii ávvudeapmái.

Kronprins Haakon hilser på barn (Foto Jan Roger Østby).JPG
FOTO | Sølve (5 år) og Sofie (5 år) overrekker blomster til H.K.H. Kronprins Haakon (Foto Jan Roger Østby).

Govva: Sølve (5 jagi) ja Sofie (5 jagi) geigeba liđiid Gonagaslaš Allavuhtii Kruvnnaprinsa Haakonii (Govva Jan Roger Østby).

– Gállogieddi čalmmustahttá dan stuorra ja deaŧalaš barggu loahpaheami ahte fuolahit min sámi kulturhistorjjá, dadjá Gonagaslaš Allavuohta Kruvnnaprinsa Haakon sártnistis.

– Stuorra árjjain lea sámi leahkin ja sámi historjá duođaštuvvon – Deanu rájes davvin Plassje rádjai lullin, dadjá Kruvnnaprinsa Haakon.

nne Kaisa Partapuoli underholder (Foto Jan Roger Østby).jpg
FOTO | Ánná Kaisa Partapuoli underholder (Foto Jan Roger Østby)
Publikum Gállogieddi (Foto Jan Roger Østby).JPG
FOTO | Publikum Gállogieddi (Foto Jan Roger Østby)

Govva: Guldaleaddjit Gállogiettis

Oainnusmahttá sámi kultuvrra ja historjjá

Sámediggepresideanta Vibeke Larsen dadjá ahte registreremat leat mielde oainnusmahttimin sámi kultuvrra ja identitehta sihke báikkálaččat ja riikkaviidosaččat.

Larsen dadjá ahte registrerenbargu lea lokten vuordámušaid, sihke visteeaiggádiin ja báikegottiin ahte sihkkarastit visttiid boahtteáigái.

– Registrerenbargu lea bidjan vuođu visttiid boahttevaš hálddašeapmái, ja mii fertet ovttas Riikaantikvárain ja Dálkkádat- ja birasdepartemeanttain čuovvulit dán deaŧalaš barggu, dadjá Larsen.

Guiding Gállogieddi (Foto Jan Roger Østby).jpg
FOTO | Kronprinsen i Gállogieddi (Foto Jan Roger Østby)
Kronprinsen lærer restaurering i Borri_Foran (Foto Mia De Coninck).JPG
FOTO | Kronprinsen fikk innføring i praktisk restauringsarbeid (Foto Mia De Coninck)

Govva: Čalmmusteami oktavuođas galledii Gonagaslaš Allavuohta Kruvnnaprinsa Haakon Borri Skániin. Doppe oahpásmahttojuvvui kruvnnaprinsa geavatlaš ovddeštanbargui. Borris ovddeštuvvo láhtu 1800-logu gaskkamuttus (Govva Mia De Coninck)

Deaŧalaš bargu

Riikaantikvára Jørn Holme dadjá ahte Sámediggi lea čađahan máđohis stuorra barggu identifiseret ja registreret sámi visttiid mat leat huksejuvvon ovdal 1925.

– Dál mii oaidnit dan barggu. Geahčastat mii dahká vejolažžan hálddašit dáid visttiid buori vugiin. Mii dárbbašit máhttovuđot hálddašeami, guoskkaš go dal dálkkádatpolitihkkii, gumpii, mearraguovlluide vai sámi visttiide, dadjá Riikaantikvára Jørn Holme.

Buorre ovttasbargu

– Mii giitit buot viessoeaiggádiid, ovttasbargoguimmiid ja eaktodáhtolaččaid lágideami oktavuođas Gállogiettis ja Borris, dadjá Larsen.

Sámediggepresideanta Vibeke Larsen dadjá ahte Sámediggi lea suokkardan olles Sámi guovllu govvenapparáhtaiguin, mihttobáttiiguin ja sárgunbáhpáriiguin, oaidnán visttiid iešguđet dilis, deaivan olbmuid ja háhkan dieđuid visttiid birra.

Kronprins Haakon hilser på Therese Olsen og Lemet Máhtte Eira Sara (Foto Jan Roger Østby).JPG
FOTO | Kronprins Haakon hilser på Therese Olsen og Lemet Máhtte Eira Sara (Foto Jan Roger Østby)

Govva: Ruvdnaprinsa dearvvaha Therese Olsen ja Lemet Máhtte Eira Sara

Loga eanet:

http://www.kongehuset.no/nyhet.html?tid=157348&sek=26939

http://www.kongehuset.no/tale.html?tid=157347&sek=26947&scope=27247

http://www.riksantikvaren.no/Aktuelt/Nyheter/Markering-av-samiske-bygningsregistreringer

https://www.sametinget.no/Tjenester/Miljoe-areal-og-kulturvern#section-Samisk-bygningsvern

https://sametinget.no/Arrangementer/Avslutningsmarkering-av-det-samiske-bygningsregistreringsprosjektet

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!