Ohcat kulturfitnodagaid mat háliidit áŋgiruššat ođđa márkaniin

Sámediggi álggaha 2017 čavčča ovddidanprográmma Dáhttu 2.0, ovttas Kreativ Industriain. Dát lea ovddeš Dáhttu-prográmmaid joatkka. Mis lea sadji 12 fitnodahkii ja ohcanáigemearri lea čakčamánu 30. b. 2017.

DSC_1780.JPG
FOTO | Dáhttu ealáhusovddidanprográmma oasseváldit/Deltakere i bedriftsutviklingsprogrammet Dáhttu (Foto: Anders Henriksen, Sámediggi)

Ođas | Almmuhuvvon , ođasmahtton

Dáhttu 2.0 lea prográmma daid sámi kulturfitnodagaid várás, mat háliidit áŋgiruššat nationála dahje riikkaidgaskasaš márkaniiguin.

Geahča filmma Dáhttu fitnodatovddidanprográmma birra:

En kort film om bedriftsutviklingsprogrammet Dáhttu.

VIDEO | Foto/redigering: Govas Film & Mediaproduksjon as

Dáhttu 2.0 oassálastinfitnodahkan oaččut gitta 30 diimmu rádjai oaivadeami hárjánan konsuleanttain. Beasat maiddái searvat njealji deaivvadeapmái eará sámi kulturfitnodagaiguin. Guokte čoahkkaneami leat webinarat, okta lea fysihkalaš deaivvadeapmi Davvi-Norggas ja maŋimus deaivvadeapmi čađahuvvo olgoriikkas, mas deattuhuvvo strategalaš áŋgiruššan olgoriikka márkaniid ektui. Deaivvademiin oahpat strategiija, organisašuvdnaovddideami, vuovdaleami ja vuovdima, dasa lassin oaččut áiggi ja veahki bargat iežat fitnodagain.

Dáhttu ii leat kursa, muhto ovddidanprográmma mas mii ovttas duinna bargat du jurddašemiin ja fitnodagain. Dat gáibida ahte dus lea dáhttu geavahit hui ollu áiggi ja resurssaid ovddidanbargui, ja gáibádussan lea maid ahte don vuoruhat oassálastima deaivvademiide ja webinaraide. Leat stuorra gáibádusat oassálastiide, muhto don vuoittát dađi eanet áŋgiruššamis. Dasa lassin beasat juogadit vásáhusaid eará kulturealáhusálggaheddjiiguin Norggas ja olgoriikkas, ja šattat oassin fierpmádagas.

Sámediggi ja Kreativ Industri ovttasráđiid kárteba, árvvoštallaba ja válljeba berošteaddji oassálastiid. Oassálastit mákset 5000 ru. earret lasseárvodivada iežasoassin, ja fertejit ieža máksit mátkki ja orruma vuosttaš deaivvadeami oktavuođas. Deaivvadeami olgoriikkas fertejit oassálastit leat ieža mielde oasseruhtadeamen. Dattetge buhtada Sámediggi oasi dán deaivvadeami goluin.

Ohcanáigemearri lea čakčamánu 30. beaivvi 2017.

Ohcanskovi gávnnat dás.

Váldde oktavuođa Kreativ Industriain Marit Vambheim bokte, jus dus ležžet gažaldagat. Tel. 488 82 816. Jus dárbbašat gulahallat davvisámegillii, váldde oktavuođa Anja Graveniin, tel. 988 65 017.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!