Ođđa ohcanáigemearri girjjálašvuođaohcamiidda

Ođđa ohcanáigemearri ja gáibádus buvttadit e-girjji leat ođđasat dán jagá girjjálašvuođaohcamiin. Eará ođas maid lea ahte redaktevra sáhttá buktit cealkámuša iežas giehtačállosiidda.

Girjjit_JRØ_korr.jpg

Ođas | Almmuhuvvon

Ovddit čavčča gulaskuddančoahkkimat čalmmustahtte hástalusa girjealmmuhemiid oktavuođas, go máŋggas sávve árabut ohcanáigemeari girjjálašvuođaohcamiidda. Dan lea Sámediggi váldán vuhtii, ja danne leat sirdán ohcanáigemeari girjjálašvuođaohcamiidda njukčamánu 1. beaivái.

Gulaskuddan maiddái čalmmustahtii dan ahte e-girjjit sámegillii illá gávdnojit, danne lea Sámediggi mearridan geatnegahttit girjealmmuheddjiid maiddái buvttadit e-girjjiid seammás go dahket dábálaš girjji.

Lei maid sávaldat girjjálašvuođafidnus beassat eret geatnegahtton konsuleantacealkámušas giehtačállosiin, ja dan lea maid Sámediggi mearridan rievdadit, nu ahte 2017 rájes sáhttet redaktevrrat ieža čállit cealkámuša evttohuvvon girjeprošeavttaide.

Dás gávnnat njuolggadusaid ja digitála ohcanskovi maid fertet deavdit go ozat doarjaga.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!