Juolluda 500 duhát ruvnnu Arctic Lavvo AS:ii

Sámediggeráđđi juolluda 500 000 ru Arctic Lavvo AS:ii Guovdageainnus. Fitnodat galgá buvttadit árbevirolaš lávuid ja gođiid. Sámediggeráđđi Mariann Wollmann Magga dadjá ahte ásaheapmi lea deaŧalaš buvttadeami joatkimii Guovdageainnus, ja áigu galledit fitnodaga bearjadaga miessemánu 12. b.

Ođas | Almmuhuvvon

Arctic Lavvo AS lea gieskat ásahuvvon searvi Guovdageainnus. Dat lea sihkkarastán vuoigatvuođaid gálvomerkii Venor mii buvttadii lávuid ja gođiid.

Ođđa searvi galgá bargat lávuid ja gođiid ovddidemiin, buvttademiin ja vuovdimiin, mat girdet nana anu ja garra dálkkiid.

-Fitnodagas lea nana oahppu ja vásihus, ja das lea dárbbašlaš gelbbolašvuohta ja dáhttu mii dárbbašuvvo ásaheami čađaheapmái, dadjá sámediggeráđđi Mariann Wollmann Magga.

Arctic Lavvo AS lea bovden sámediggeráđi Mariann Wollmann Magga ja Guovdageainnu sátnejođiheaddji Johan Vasara boahtit oahpásmuvvat plánaide ja fitnat galledeamen fitnodaga lokálain Guovdageainnu guovddážis.

Anders Bongo-Wiik ja Mathis Bongo Arctic Lavvo AS beales muitaleaba plánaid birra mat fitnodagas leat, bearjadaga miessemánu 12. b. dii. 10.00 čoahkkinlanjas Allavárdu, mii lea Diehtosiidda goalmmát gearddis.

Dii. 10.30 galledeaba sámediggeráđđi Mariann Wollmann Magga ja sátnejođiheaddji Johan Vasara buvttadanlokálain Hánnoluohkká 1.

Čoahkkin ja galledeapmi lea rabas pressii.

Loga eanet

Arctic Lavvo AS:http://www.arcticlavvo.no/

Gulahallan:

Sámediggeráđđi Mariann Wollmann Magga, tel 977 02 350

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!