Gulaskuddamis: Finnmárkku kulturmuittuid ja kulturbirrasiid regionálaplána 2017-2027

Dál sáhttet gulaskuddanbealit ja ovttaskasat buktit cealkámuša Finnmárkku kulturmuittuid ja kulturbirrasa regionála plánii. Gulaskuddanáigemearri lea čakčamánu 30. beaivvi.

76. Bente Iversen.jpg
FOTO | Foto: Bente Iversen

Ođas | Almmuhuvvon

Sámediggeráđđi ja Finnmárkku fylkkagieldda álbmotdearvvašvuođa, kultuvrra ja johtolaga váldolávdegoddi leat mearridan sáddet Finnmárkku kulturmuittuid ja kulturbirrasa regionála plána gulaskuddanevttohusa gulaskuddamii ja almmolaš dárkkisteapmái.

Finnmárkku kulturmuittuid ja kulturbirrasa regionála plána 2017-2027 gulaskuddanevttohusa leat Finnmárkku fylkkagielda ja Sámediggi ovttas ráhkadan, ja dat sáddejuvvo maiddái máŋgga gulaskuddaninstánsii, earret eará buot Finnmárkku gielddaide.

Mo addit cealkámušaid plánii?

Vejolaš lea sádde cealkámuša Finnmárkku fylkkagildii e-poasttain deike: postmottak@ffk.no

Dalle registrerejuvvo du cealkámuš almmolaš poastajournálii. Almmut dan ahte sáddet go cealkámuša ovttaskasolmmožin vai organisašuvnna bealis.

Sáhttá maid sáddet dábálaš poastta bokte dán poastačujuhussii:
Finnmárkku fylkkagielda
Poastaboksa 701 Fylkkaviessu
9815 Čáhcesuolu - Vadsø

Gulaskuddanáigemearri lea čakčamánu 30. beaivvi.

Dá lea gulaskuddanálgoevttohus:

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!