Go duosttat jearrat, de olbmot dustet vástidit

- Ollu sámi servodagain mis lea viiddes jávohisvuođakultuvra. Ollugat eai dohkket dieđihit veahkaválddi birra. Dat sáhttá vahágahttit olles bearraša árvvu, ja vejolaččat maiddái sámi servodaga árvvu. Veahkaváldi ii leat priváhta ášši mii galgá čovdojuvvot siskkáldasat. Veahkaváldi lea ráŋggáštusvuloš dahku ja dan galgá riektevuogádat gieđahallat, ja danne galgá veahkaválddi váidit, dadjá sámediggeráđđi Mariann Wollmann Magga.

Ođas | Almmuhuvvon , ođasmahtton

31556706076_26bc95b9e1_k.jpg

 

Loga raportta (Raporta lea dárogillii, muhto čoahkkáigeassu gávdno maiddái davvi-, lulli- ja julevsámegillili): 

Sámediggi ja Nasjonalt kunnskapssenter om vold og traumatisk stress almmuhedje njukčamánu 8. b. raportta: go duosttat jearrat, de olbmot dustet vástidit – veahkkeapparáhta ja politiija vásáhusat veahkaváldiin lagas gaskavuođain sámi servodagas.

Raporta lea vuođđuduvvon háleštemiide fágaolbmuiguin ja veahkkeapparáhtain sámi guovlluin, ja čájeha mo veahkkeapparáhta vuostáiváldá sámi veahkaválddi gillájeddjiid. Raporta iská maiddái leat go bealit sámi servodagas ja dan olggobealde mat váikkuhit dasa ahte veahkaváldi dáhpáhuvvá. 

- Sámi servodat ferte hástalit myhta gievrras sápmelačča birra, gii gierdá buot. Mii fertet jávkadit dakkár guottuid ahte sámi nieiddat ja nissonat galget gierdat veahkaválddi iežaset lagamusain, dadjá Wollmann Magga.

Mii dárbbašit dakkár servodaga mii ii dohkket veahkaválddi oppanassiige. Vearredahkkis dat lea ovddasvástádus veahkaválddis ja vearredagus, ii ge gillájeaddjis, dadjá Magga.

Giella ja kulturgelbbolašvuohta váilu

Raporttas boahtá ovdan ahte ollugiin lea uhccán luohttámuš politiijii ja veahkkeapparáhtii.

Lea deaŧalaš ahte dearvvašvuođaapparáhtas ja politiijas lea sámi giella- ja kulturgelbbolašvuohta. Olmmoš hállá buoremusat duođalaš persovnnalaš rihkkumiid birra iežas eatnigillii dakkár veahkkeapparáhtii mii ádde guđe servodagas mii eallit, dadjá sámediggeráđđi Mariann Wollmann Magga
Wollmann Magga lea ilus go veahkkeapparáhta dovddasta ahte sii fertejit šaddat čeahpibun jearrat njuolgga veahkaválddi birra.

- Raporta lea deaŧalaš gaskaoapmin Sámediggái ovddasguvlui. Eiseválddit fertejit váldit dan duođas ja álggahit konkrehta doaibmabijuid ovttas sámi servodagaiguin. Mii fertet háhkat eanet máhtu ja álggahit eanet dutkama dán suorggis, seammás mii fertet leat gergosat boktet jávohisvuođa ja heaitit huškumis guhtet guimmiideamet, dadjá sámediggeráđđi Mariann Wollmann Magga

Eanet dieđuid addá:

Sámediggeráđđi Mariann Wollmann Magga, 977 02 350

Loga maid: Vold i nære relasjoner i samiske samfunn

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!