lansering_nasjonalkompetansepolitiskstrategi.jpg

Govven/Guvvie/Foto: Ajfer Husejin

-Lean ilus go strategiija fuolaha sámi giela, kultuvrra ja árbedieđu. Mii leat čujuhan dan gelbbolašvuođa maid sámi servodat dárbbaša boahtteáiggis. Dainna lágiin mii nannet sámi servodat- ja bargoeallima, dadjá Sámedikki presideanta Vibeke Larsen.

Guovvamánu 2014 raportta “OECD Skills Strategy Diagnostic Report Norway” lea strategiijadokumeantta vuođđun. Raportta váldosáhka lea ahte Norga, vaikke lea ge buorit vejolašvuođat, ii nagot doarvái bures atnit ávkki álbmoga gelbbolašvuođain. Raporta čujuha earret eará hástalusaide go nu ollugat heitet gaskan oahpu ja ovdáneapmi oahpus lea heittot, fálaldagaid ja jearu gaskkas ii leat dássedeaddu ja go bargoeallima gealbogáibádus rievdá nu johtilit.

Nationála strategiijadokumeanta fuolaha maiddái sámi bargoeallima erenoamáš hástalusaid ja dárbbuid go leat ollu smávvafitnodagat, vuođđoealáhusat, eahpesihkar fidnooahppiortnet ja go ollugat heitet gaskan oahpu. Nationála strategiija galgá fuolahit dan ahte bargoeallin fidne gelbbolaš bargonávccaid, buori gelbbolašvuođa ja ulbmillaš oahppama.

- Lean duhtavaš go Sámediggi lea leamaš mielde proseassa hui árrat juo. Sámediggi lea ožžon mieđihuvvot iežas árvalusaid ráđđehusa nationála gealbopolitihkalaš strategiijii, dadjá Sámedikki presideanta Vibeke Larsen

Sámediggi lágidii ovttas Máhttodepartemeanttain konferánssa «Samisk perspektiv i nasjonal kompetansestrategi» Romssas 2016 geasi, gos Sámediggi oaččui ávkkálaš árvalusaid dasa mo oažžut mielde sámi perspektiivva.

“Kompetanse Norge”, mii lea nationála fágaorgána mii erenoamážit deattuha rávesolbmuid oahpu, lea vuosttaš geardde vuoruhan ruđaid sámi prošeavttaide 2017 várás boazodoalus, mearrasámi guolástusas ja duojis. Oahpahus sáhttá addojuvvot sihke sámegillii ja dárogillii.

 
Jearahallama várás:
Sámedikki presideanta Vibeke Larsen, tel: +47 941 30 116
Dieđuid addá seniorráđđeaddi Kari Skoglund Sara, tel.: 47419213

 

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!