SáNuL ásahuvvui bissovaš orgánan jagi 2003 rájes. SáNuL:s leat vihtta fásta lahtu maid Sámediggeráđđi lea nammadan. Lahtut leat gaskal 16 ja 28 jahkásaš miehtariikka nuorat.

Sámedikki dievasčoahkkin lea mearridan SáNuL:i bistevaš válddi ja organiserema. Sin bargun lea:

  • buoridit sámenuoraid mielmearridanvejolašvuođa ja váikkuhit ahte nuorat beassat váikkuhit Sámedikki politihka.
  • plánet ja lágidit Sámedikki jahkásaš nuoraidkonferánssaid.
  • movttiidahttit sámi nuoraid searvamis politihkalaš bargguide ja doaimmade.
  • oaččuhit eanet nuoraid čálihuvvot sámi jienastuslohkui, oaččuhit eanet nuoraid searvat Sámediggeválggaide, ja oaččuhit eanet nuoraid válljejuvvot Sámediggái  ja Sámedikki eará stivrraide ja lávdegottiide.

SáNuL lea ožžon friddja rolla ja sáhttá bargat daid áššiiguin mat sin mielas leat dehálačča. Lávdegoddi ja miellahtut sáhttet áibbas friddja ovddidit oainnuset mediaide ja iežaset árvvoštallama mielde loktet áššiid eará ásahusaide.

Lávdegoddi galgá doaibmat gulahallanásahussan sámi nuoraid ja Sámedikki gaskkas, muhto galgá maiddái leat gulaskuddanásahus ja “bearráigeahččin” sámedikki ektui nuoraidáššiid oktavuođas. Dainna lágiin sáhttá SáNuL veahkehit Sámedikki hábmemis dikki nuoraidprofiilla ja nuoraidpolitihka.

Váldde oktavuođa Sámedikki nuoraidpolitihkalaš lávdegottiin

SáNuL 2018-2021:

Jođiheaddji: Ole Henrik Bjørkmo Lifjell (Nordlánda)

Lahtut: Maja Fjellstrøm (Davvi-Trøndelága), Stine Ericsson Anti (Nuorta-Finnmárku), Grethe Julianne Skum (Oarje-Finnmárku) ja Alfred Mikkel Kuoljok (Nordlánda)

Várrelahtut: Laara Sparrok (Nordlánda), Andine Knudtson (Lulli-Norga), Kristine Ballari (Nuorta-Finnmárku), Sajane Olsen (Romsa), Katja Elise Utsi (Nordlánda)

SaNuL Facebookas

SaNuL blogga

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!