Lávdegottit

Sámediggi vállje čuovvovaš 3 fágalávdegotti: plána- ja finánsalávdegotti, bajásšaddan-, fuolahus- ja oahppolávdegotti ja ealáhus- ja kulturlávdegotti.

Ođas | Almmuhuvvon , ođasmahtton

Fágalávdegottiin galget buot sámediggeáirasat leat mielde. Lávdegottiide galgá válljejuvvot jođiheaddji ja nubbin jođiheaddji. Go jođiheaddji válljejuvvo posišuvnna áirasiid gaskka, de válljejuvvo nubbin jođiheaddji opposišuvnna áirasiid gaskka. Go jođiheaddji válljejuvvo opposišuvnna áirasiid gaskka, de válljejuvvo nubbin jođiheaddji posišuvnna áirasiid gaskka.

Fágalávdegottit ovddidit evttohusaid dievasčoahkkimii dakkár áššiin maid dievasčoahkkinjođihangoddi sádde lávdegottiide. Lávdegottit válljejit buot áššiin áššejođiheaddji.

Lávdegottiid čoahkkimat leat jur ovdalaš dievasčoahkkimiid.

Sámedikkis leat čuovvovaš lávdegottit:

 

Lassin fágalávdegottiide de lea Sámedikkis maiddái bearráigeahččanlávdegoddi,  válgalávdegoddi ja váiddalávdegoddi doarjjaáššiid várás.

Bearráigeahččanlávdegoddi galgá doaimmahit parlamentáralaš bearráigeahču ja bearráigeahččat ásahusaid mat ruhtaduvvojit Sámedikki bušeahta bakte. Dát mearkkaša maiddái bearráigeahččat Sámedikki jahkerehketdoalu ja riikkarevišuvnna vejolaš mearkkašumiid. Lávdegoddi sáhttá čađahit dan bearráigeahčču Sámedikki hálddahusas mii sin mielas lea dárbbašlaš.
Dain áššiin maid Bearráigeahččanlávdegoddi meannuda, sii ovddidit mearrádusárvalusaset njuolga Sámedikki dievasčoahkkimii, juogo sierra áššin dahje lávdegotti jahkedieđáhusa bakte.

Válgalávdegoddi meannuda áššiid main Sámedikki dievasčoahkkin galgá válljet ovddasteddjiid ásahusaide sihke siskkobealde ja olggobealde Sámedikki vuogádaga. Lávdegotti bargun lea gárvásit meannudit áššiid maid dievasčoahkkin lea sádden lávdegoddái ja ovddidit mearrádusárvalusa dievasčoahkkimii

Váiddalávdegoddi doarjjaáššiid várás

Sámedikki dievasčoahkkin lea 2011:s ásahan Sámedikki váiddalávdegotti doarjjaáššiid várás. Váiddalávdegottis leat 3 lahtu ja 2 várrelahtu.

Čuovvovaččat leat válljejuvvon áigodahkii 2018-2021:

Lahtut:

  • Ingar Nikolaisen Kuoljok (jođiheaddji)
  • Kirsti Guvsám
  • Hagbart Grønmo

Várrelahtut:

  • Randi A. Skum
  • Jarle Jonassen

Sámedikki váiddalávdegotti meannudeapmi ráddjejuvvo dárkkistit áššemeannudeami ja riektegeavahusa. Váiddalávdegoddi ii sáhte ieš loktet áššiid meannudeapmái. Áššit mat eai leat guoddaluvvon áigemeari siskkobealde hilgojuvvojit. Sámedikki váiddalávdegoddi galgá čađahit váiddaáššemeannudeami guoddaluvvon eaŋkilmearrádusaid hálddahuslága njuolggadusaid ollašuhttima dihte.

Váiddalávdegoddi galgá bearráigeahččat sin riektesihkarvuođa geat ohcet doarjaga Sámedikki doarjjaortnegiid njuolggadusaid ja bušeahta rámmaid siskkobealde. Váiddalávdegotti mearrádusaid ii sáhte šat guoddalit.

Váidaleaddjái addo vejolašvuohta čilget áššis váiddalávdegoddái. Váiddalávdegotti jođiheaddji mearrida beassá go váidaleaddji buktit oainnus váiddalávdegoddái.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!