Sámedikki doaibmabijut koronavirusa oktavuođas

Sámediggi geahččala dál máŋga doaibmabiju bokte eastadit koronanjoammuma (covid-19) bargiid gaskkas ja oassálastá nationála veahkkálasbarggus eastadan dihte njoammuma ja unnidan dihte deattu dearvvašvuođabálvalusaide.

Ođas | Almmuhuvvon

Sámedikki doaibmabijuid vuođđun lea várrogasvuođa-prinsihppa.

Dušše Sámedikki bargit ja politihkkárat besset Sámedikki kantuvrraide dás duohko. Kántorbáikkit leat steŋgejuvvon olggobealde olbmuide dás duohko. Oahpisteapmi Sámediggevisttis Kárášjogas lea bissehuvvon, ja girjerájus lea maiddái gitta olggobealde olbmuide. Girjerádjosa ja hálddahusa olahat go riŋget +47 78 47 40 00 dahje e-poasta bokte: samediggi@samediggi.no

Sámediggi čađaha visot čoahkkimiid maid lea vejolaš video/telefovnna bokte. Buot bargomátkkit, kurssat ja sullasaš lágideamit čađahuvvojit dušše riskaárvvoštallama vuođul ovttas Sámedikki sihkkarvuođaráđiin. Ruovttukantuvra sáhttá geavahuvvot jus lea dárbu. Sámediggi ávžžuha iežas bargiid gáržžidit priváhta mátkkiid.  

Eanet dieđuid addá direktevra Rune Fjellheim, tel 910 09 320, dievasčoahkkinveaga ossodatdirektevra Rávdná Buljo Gaup, tel 416 45 739, gulahallanossodaga sadjásaš ossodatdirektevra Siv Eli Vuolab, tel 951 68 927 dahje hálddahusossodaga ossodatdirektevra Tommy Somby, tel 958 22 121

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!