Sámediggi juolluda doarjaga ávvogirjái Beaivváš ja konsertii Rørosas Marja Mortensson ja KORK bokte

Sámi nášunálateáhteris Beaivvážis lea 40 jagi ávvudeapmi 2021:s ja dan oktavuođas áigot almmuhit govvadokumentáralaš girjji. Sámediggeráđđi juolluda 200 000 ru bargui dainna girjjiin.

Ođas | Almmuhuvvon

Beaivvážis lea gelddolaš ja deaŧalaš historjá sámi kultuvrralaš eaktobiddjin. Ollu lea dáhpáhuvvan dan rájes go teáhter ásahuvvui fargga 40 jagi dás ovdal, friijajoavkun dramáhtalaš dáhpáhusaid oktavuođas Álttá-Guovdageainnu eanu dulvadeami oktavuođas, ja dássážii go lea šaddan ámmátlaš teáhterásahussan mii johtá máŋgii jagis miehtá Sámi. Sámi giela ja kultuvrra gaskkusteaddjin lea Beaivvážis buhttekeahtes árvu.

«Sámedikki mielas lea ávvogirji deaŧalaš servodahkii, ja go sámi nationála teáhtera historjá buktojuvvo olámuddui.”, dadjá sámediggeráđđi Henrik Olsen.

Máttasámi festivála Raasten Rastah oktavuođas galgá lágiduvvot konsearta Marja Mortenssonain ja Sáddehatorkesteriin (KORK) Rørosa girkus čakčamánu 25. b. dán jagi. Sámediggeráđđi juolluda 179 000 ru Raasten Rastah festiválii dása.

Konsearta lea maiddái sámi tv-buvttadeapmi mas NRK Sápmi bidjá fokusa máttasámi áššiide oktanaga festivála čađahemiin. Konsearta báddejuvvo ja čájehuvvo maŋŋá NRK:s.

“Dat go doalut biddjojuvvojit Rørosii lea stuorra dáhpáhus. Dieinna lágiin beassá maiddái sámi publikumma searvat vásihussii iežas ruovttu guovllus. Dat go konsearta lágiduvvo Røros girkus, addá maiddái erenoamáš lagašvuođa álbmogii”, dadjá sámediggeráđđi.

Gažaldagaide vástida ja jearahallama addá sámediggeráđđi Henrik Olsen, tel. + 47 907 75 219, dahje e-poasta: henrik.olsen@samediggi.no

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!