PRD: Stuorra beroštupmi árbevirolaš luohtái

Sámediggeráđđi juolluda 1 442 740 ruvnnu juoigama ja sámi musihka almmuheapmái. Logi ohcamis maidda leat ruđa juolludan, leat čieža ohcama árbevirolaš luođi almmuheapmái.  

Ođas | Almmuhuvvon

Lea vuosttaš geardi go Sámediggi lea ožžon ná ollu ohcamiid árbevirolaš luođi almmuheapmái, ja dat lea earenoamáš illudahtti sámediggeráđi Henrik Olsen mielas. Dat čájeha stuorra beroštumi árbevirolaš luohtái.

– Sámediggi atná deaŧalažžan doarjut árbevirolaš luođi almmuheami, ja ná ollu almmuheamit dahket ahte juoiganárbevieru girjáivuohta ja earenoamášvuođat bures duođaštuvvojit. Almmuhemiin šaddá stuorra árvu sihke kultur- ja musihkkahistorjjálaččat, dadjá Olsen.

Ulbmil juolludemiiguin lea ovddidit buori sámi musihka mii lea olámuttus ollugiidda.

Čakčat ođđa ohcanáigemearri

Dán jagi lea biddjojuvvon su. 2,5 miljovnna ruvnnu luođi ja sámi musihka almmuheapmái. Ruđat leat juhkkojuvvon guovtti ohcanvurrui, ja boahtte ohcanáigemearri lea golggotmánu 1. b. 2019. Sámediggái leat juo boahtán jearaldagat boahtte ohcanáigemeari ektui.

– Mii doaivut ahte oažžut máŋga buori ohcama maiddái nuppi vuorus.

Olsen dadjá ahte ohcanvuđot ortnegis, luođi ja sámi musihka almmuheapmái, lea stuorra mearkkašupmi sámi musihkkáriidda. 

– Ortnet sáhttá rahpat sámi artisttaid vejolašvuođa joksat stuorát publikumma, dadjá Olsen.

 Jus leat gažaldagat dahje háliidat jearahallat, váldde oktavuođa sámediggeráđiin Henrik Olseniin, tlf +47 907 75 219

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!