PRD: Sámi nissonat ealáhushutkin

Vihtta sámi nissonfitnodatjođiheaddji designsuorggis geat vuvdet miljovnnaid ovddas dán guovllus, leat dáid beivviid leamaš čoahkkanan Romsii. Ovttas Sámedikkiin leat sii ráhkkanan ovttas Oslo Design Fair searvamii borgemánus 2020.

Faamoe (Foto - Árvu).jpg

Gurut bealde: Marie Louise Somby, Árvu ja Sámi stories, Kine Yvonne Kjær, Kine Kunst, Karine Kimo Pedersen, Árvu ja Sámi stories, Lill Eli Jørgensen-Dahl, LilleLis smykker, Linda Mari Thomassen, Sámi stories. Anja Guttorm Graven, Graveniid, ii leat mielde govas. Govva: Árvu 

Ođas | Almmuhuvvon , ođasmahtton

Fitnodagat leat gieskat čađahan nuppi čoagganeami Romssas, gos sis leat leamaš čoahkkimat Davvi-Norgga Seastinbáŋkkuin, møbelsnekkeriet Ekte fitnodagain ja pitcháššedovdiin Andreas Nilsen geat barget gründerhuben Flow:s.

Sámi nissonolbmot fitnodatjođiheaddjin

Sámediggi lea álggahan fitnodatovddidanprográmma «Faamoe» (mii mearkkaša fápmu máttasámegillii) sámi designeriid várás. Vihtta nissonfitnodatjođiheaddji servet prográmmii, mas váldofokus lea gánnáhahttivuođa nannemis fitnodagain.

– Innovašuvdna Norgga raporta nissonealáhushutkiid birra čájeha ahte nissonolbmuid gaskkas eai leat nu ollu ealáhushutkit go almmáiolbmuid gaskkas. Danne lea hui illudahtti oaidnit go mis «Faamoe» prográmmas leat nana ja čeahpes nissonfitnodatjođiheaddjit, dadjá sámediggeráđđi Silje Karine Muotka. 

Fitnodagat ovddastit ollu fágasurggiid nugo gráfalaš design, interiøra, illustrašuvdna ja čikŋadesign. Oasseváldit bohtet Graveniid fitnodagas Kárášjogas mat designejit ja buvttadit ullobiktasiid báikkálaččat, designer LilleLi smykker, interiørbuvttadeaddji Sámi Stories, Romssa illustratevra Kine Kunst, ja designfitnodat Árvu.

Sámi identitehta ovdamunnin

Dál oaidnit ahte sámi identitehtas lea ovdamunni design oktavuođas. «Faamoe» designfitnodagat leat mielde hábmemin sámi identitehta iežaset design bokte ja sii hutket mohtaid ja treanddaid, mainna sii leat mielde nannemin olles sámi kultuvrra. Prográmmas lea fokus movt fitnodagat geavahit iežaset sámi identitehta ja oktasaš kultuvrra árjjalaččat mearkagálvvuset fállamis.

Dán jagi áigge áigot sii ovttasbargat searvamii Oslo Design Fair meassuide dainna ulbmilin ahte olámuddui buktit sámi design ollu arenain olggobealde báikkálaš márkana dahje turistamárkana.

«Faamoe» nubbi čoagganeapmi

Čoagganeames skábmamánu 5. ja 6. b. lei fokus vuovdinteknihkaide ja movt fysalaččat ordnet vuovdinbeavddi, mii lea ávkkálaš maiddái ovdal juovllaid, go galget ráhkkanit meassuide ja márkaniidda.

Fitnodagat dadjet máhcahandieđuin ahte lea buorre go lea «Faamoe» gos sii čohkkejit návccaid ollásit nannet iežaset fitnodaga ja mearkagálvvu, go sii beaivválaš doaimmas dábálaččat fokuserejit kundariidda ja buvttadeapmái.

– «Faamoe» lea álggahuvvon eará fitnodatovddidanprográmmaid evalueremiid maŋŋel ja čájeha juo buriid bohtosiid eanet individuála sisdoaluin mii manná unnit oasseváldiide, dadjá sámediggeráđđi Silje Karine Muotka.

Jearahallama addá dahje vástida gažaldagaide sámediggeráđđi Silje Karine Muotka, mob +47 984 87 576.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!