Sámedikki dievasčoahkkin gieđahallá dán vahkku ovttasbargošiehtadusa, maid Davvi Dearvvašvuohta RHF stivra ja Sámediggeráđđi leat mearridan.

– Lea buorre olahus go dát ovttasbargošiehtadus sohppojuvvo.  Diđolašvuohta ahte sápmelaččain leat earenomáš hástalusat dearvvašvuođa bálvalusaid ektui leat lassánan. Dát guoská earenoamážiid gilli ja kultuvrii. Min mihttu lea buorebut heivehit vuoi šaddet ovttaárvosaš dearvvašvuođabálvalusat, cealká Davvi Dearvvašvuođa stivrajođiheaddji Marianne Telle.

Ovttasbargošiehtadus mudde dan dábálaš ovttasbarggu. Šiehtadus gusto maid Davvi Dearvvašvuođa RHF dearvvašvuođadoaimmaide dain surggiin mat gullet dearvvašvuođabálvalusaide sápmelaččaide.

Fásta deaivvadanbáikkit

Álggus juohke Sámediggeáigodagas lágiduvvo oktasaš čoahkkin gaskal Sámedikki ja Davvi Dearvvasvuođa RHF, gos stáhtus ja viidáset ovddideapmi spesialistadearvvašvuođabálvalusas sámi álbmogii lea áššelisttus.

Dasa lassin galget lágiduvvot guokte jahkásaš ovttasbargočoahkkima gaskal Sámedikki ja Davvi Dearvvasvuođa RHF. Sámediggi galgá buktit mearkkašumiid daidda jahkásaš doaibmadokumeanttaide maid Davvi Dearvvasvuođa RHF ráhkada.

Oktasaš prošeavttat dearvvašvuođa birra

Davvi Dearvvasvuođa RHF ja Sámediggi leaba ovttaoaivilis vuolggahit oktasaš prošeavttaid gos sámi álbmoga dearvvašvuohta ja ovttaárvosašvuohta earenomášdearvvašvuođabálvalusaide biddjo áššelistui.

Sámediggi lea Davvi Dearvvasvuođa RHF ovttasbargoguoibmi mii gusto ovddidit dearvvašvuođafálaldaga sámi álbmogii. 

– Eanet sámi váikkuheapmi

DSC_1847.JPG

Sámediggeráđđi Mikkel Eskil Mikkelsen

Govven: Åse M.P. Pulk/Sámediggi

Sámediggeráđđi lea maid hui duhtavaš go ovttasbargošiehtadus gaskal Sámedikki ja Davvi Dearvvašvuođa hábmejuvvo. Earenoamážit go jurddaša ahte Davvi Dearvvašvuohta lea ožžon erenoamáš ovddasvástádusa spesialistadearvvašvuođabálvalusain sámi álbmogii.

– Ovttasbargošiehtadus lasiha sámi váikkuheami spesialistadearvvašvuođabálvalusaid ovddideamis sámi álbmogii. Seammás boahtá dat maid mielddisbuktit ahte sámi divššohasaid dárbbut ja hástalusat bohtet albmosii ollu buorebut, lohká Sámediggeráđđi Mikkel Eskil Mikkelsen.

Govat Sámediggeráđis Mikkel Eskil Mikkelsenas.

Jus leat gažaldagat dahje áiggut jearahallama, váldde oktavuođa Mikkelsenain +47 917 42 161

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!