PRD: Sámediggeráđđi addá doarjaga Arctic Motellii Guovdageainnus

Arctic Motell Guovdageainnus lea divodan muhtun barttaidis, ja oačču 450 000 ru doarjjan sámediggeráđis.

Ođas | Almmuhuvvon

Arctic Motell lea miellahttovuođas bokte Sápmi Ealáhussiiddas čađahan vuđolaš analysa ja lea mearridan dahkat veaháš investeremiid, ja divodemiid. Fitnodat háliida birrajagi doaimma, mii heive bures Sámedikki mihttomearrái ja vuoruhemiide doarjjaortnegis sámi mátkeealáhusat.

– Mii háliidat eanet mátkeealáhusfitnodagaid mat barget birra jagi. Dat lea ge ortnega mihttomearri, dadjá sámediggeráđđi Silje Karine Muotka.

Doarjagiin galgá Arctic Motell earret eará buoridit viđa bartta standárdda ja ráhkadit čálgoossodaga mas lea sávdni.

– Mun oaivvildan ahte Guovdageainnus leat hui erenoamáš vejolašvuođat hui miellagiddevaš ja áidnalunddot mátkeguovlun maid dáláš fitnodagat sáhtášedje nugo Arctic Motell dál áigu ovddidit ja buoridit doaimma, dadjá Muotka.

Sámediggeráđđi lea dorjon maiddái eará doaibmabijuid mat ovddidit mátkeealáhusa ealáhussan mas leat vejolašvuođat Guovdageainnus.

– Dát prošeakta lea buorre ovdamearka dákkár doaibmabijuide mat sáhttet váikkuhit dan ahte Guovdageainnus šattašii nannoset mátkeealáhusahtanuššan, dadjá Muotka.

Gažaldagaide vástida dahje addá jearahallama sámediggeráđđi Silje Karine Muotka, mob. +47 984 87 576, silje.karine.muotka@samediggi.no

 

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!