PRD: Ođđa vuotnaguolástuslávdegoddi nammaduvvon

Sámediggi lea ovttas golmmain davimus fylkkain odne nammadan stivralahtuid Vuotnaguolástuslávdegoddái áigodahkii 2018-2020. Vuotnaguolástuslávdegoddi galgá nannet vuotnabivddu hálddašeami erenoamážit sámi geavaheami deattuhemiin. – Mii leat hui duhtavaččat Vuotnaguolástuslávdegotti čoahkkádusain, dadjá sámediggeráđđi Silje K. Muotka.

Ođas: Almmuhuvvon

Vuotnaguolástuslávdegoddi galgá bargat áššiiguin nugo guolástusreguleremat ekovuđot, biologalaš girjáivuođa ja ceavzilis perspektiivvas, doaibmabijuiguin mat nannejit riddo- ja vuotnabivddu, vuotnalinnjáid bidjamiin, ja dasto dorskelasseeriid sturrodaga ja juohkima ektui rabas joavkkus.

– Čoahkkádus lea šaddan ollu árvalusaid bokte ja buriid ráđástallamiid bokte guđet guimmiiguin, dadjet Finnmárkku fylkkasátnejođiheaddji Ragnhild Vassvik, Romssa fylkkaráđđi Sigrid Ina Simonsen, Nordlándda fylkkaráđđi Ingelin Noresjø ja sámediggeráđđi Silje Muotka.

– Vuotnaguolástuslávdegotti lahtut ovddastit ovttagaslaččat ja čoahkis buori ja deaŧalaš gelbbolašvuođa guolástusa, hálddašeami ja servodaga birra. Danne lea mis buorre jáhkku ahte Vuotnaguolástuslávdegoddi váikkuha hui positiivvalaččat riddo- ja vuotnabivddu ovdáneapmái, dadjet Vassvik, Simonsen, Noresjø ja Muotka.

Vuotnaguolástuslávdegotti lahtut nammaduvvojit gitta guovtti jahkái ain háválassii ja sii válljejit ieža jođiheaddji. Guolástusdirektoráhta doaibmá čállingoddin.

Vuotnaguolástuslávdegotti lahtut:

Lahttu:                                                             Várrelahttu:

Helga Pedersen, Deatnu                               Tomas Sagen, Gilevuotna

Knut Werner Hansen, Gálsa                         Sigrund Hestdal, Ráisa

Helga Karlsen, Leines                                   Steinar Friis, Ramberg

Tom Sottinen, Čáhcesuolu                            Heidi Holmgren, Honnesváhki

Geir Tommy Pedersen, Gáivuotna               Ragnhild Sandøy, Romsa

Bente Aasjord, Steigen                                 Johan Arne Hansen, Lodegat

Jos leat jearaldagat dahje áiggut jearahallama, de váldde oktavuođa:

Sámediggeráđđi Silje Karine Muotka, Sámediggi, tel. 984 87 576
Fylkkasátnejođiheaddji Ragnhild Vassvik, Finnmárkku fylkkagielda, tel 480 63 335
Fylkkaráđđi Sigrid Ina Simonsen, Romssa fylkkasuohkan, tel. 909 55 070
Fylkkaráđđi Ingelin Noresjø, Nordlándda fylkkasuohkan, tel. 957 63 866

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!