Konsultašuvnnain Sámedikki ja departemeantta gaskka vuossárgga cuoŋománu 16. b. sohppojuvvui ođđa suohkanrádji Hábmera ja Áhkánjárgga gaskka.

Mikkelsen, Mikkel Eskil (Foto - Kenneth Hætta).jpg

Sámediggeráđđi Mikkel Eskil Mikkelsen

Govven: Kenneth Hætta

Ođđa rádji lea molssaeaktu D Norlándda fylkkamanni čielggadusas, mii addá nana julevsámi hálddašansuohkana. Ođđa Hábmer šaddá leat áidna suohkan mii hálddaša julevsámegiela olles riikas, ja mii sáhttá fállat giellabálvalusaid iežas álbmogii.

- Dát lea nana ja ollislaš julevsámi suohkan, Hábmer lea guovddážis julevsámegiela ealáskahttimis. Midjiide lea deaŧalaš ahte suohkanis leat buorit eavttut dán deaŧalaš barggus, dadjá sámediggeráđđi Mikkel Eskil Mikkelsen.

- Deaŧalaš lea ahte Hábmera suohkan oažžu vejolašvuođaid maid dat dárbbašit vai sáhttet ovdánit suohkanođastusa mihttomeriide dávistettiin. Sámediggái lea leamaš deaŧalaš sihkkarastit dan ahte goappašat suohkanat ođđa čovdosis ožžot vuolggasaji mii addá daidda ceavzilvuođa ja nanusvuođa boahtteáiggis dadjá sámediggeráđđi Silje Karine Muotka, geas lea ovddasvástádus regionálapolitihkas Sámedikkis.

Áigot sihkkarastit sámi vuoigatvuođaid Divttasvuonas

Sámediggi ja Divttasvuona báikkálašálgga leat gažaldagas mii guoská Divttasvuona juohkimii, deattuhan vejolašvuođaid čohkket julevsámi birrasa oarjjabeale guovlluin Divttasvuonas julevsámi birrasiin Hábmeris.

- Ovddit proseassain leat sámi guovllut Divttasvuonas identifiserejuvvon ja dáid guovlluid historjjálaš geavaheapmi lea geahčaduvvon. Dat ođđa suohkanrádji dagaha ahte sámi árbevirolaš guovllut čohkkejuvvojit ovtta ja seamma suohkanii. Dainna lágiin šattašii sámi beroštumiid hálddašeapmi eanet ollislaš, dadjá Mikkel Eskil Mikkelsen.Čoahkkimis departemeanttain ságastuvvui maiddái movt sámi ássit suohkanis galget bisuhit vuoigatvuođaid mat čuvvot suohkanhálddašanguovlluid, go oarjjabeale guovllut Divttasvuonas dál galget gullat Áhkánjárgga suohkanii.

- Dán min áigut čuovvulit viidáseappot departemeanttain ja Áhkánjárgga suohkaniin. Ii sáhte leat nu ahte ássit masset vuoigatvuođaid suohkanráji rievdademiid geažil, dadjá Mikkelsen loahpas.

Loga eambbo ráđđehusa neahttasiidduin.

Jearahallama addiba:Sámediggeráđđi Mikkel Eskil Mikkelsen, telefovdna 917 42 161Sámediggeráđđi Silje Karine Muotka, telefovdna 984 87 576

 

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!