PRD: Doarju stuorra mearkagálvoáŋgiruššama duojis

Duodjeorganisašuvdna Duojáriid Ealáhussearvi háliida dál duodjái stuorát márkana go odne lea. Sámediggeráđđi lea dál juolludan gitta 895 625 ruvnno MIS of Sápmái, mearkagálvo­áŋgiruššamii duojis.

Ill.bilde duodji (foto John Osvald Grønmo, Sámediggi).jpg
Ill.bilde duodji (foto John Osvald Grønmo, Sámediggi)

Ođas: Almmuhuvvon , ođasmahtton

Sámedikki mihttomearri lea ovddidit duoji boahtteáigái heivehuvvon ja geasuheaddji ealáhussan sámi guovlluin. Sámedikki okta deaŧaleamos reaidduin duoji ovddideamis lea Duoji ealáhusšiehtadus, maid duodjeorganisašuvnnat Sámedikkiin šiehtadit. 

37058200633_8f779af38d_z.jpg
Berit Marie P.E. Eira (Foto: Kenneth Hætta)

Doaivu buori ovddideami

Duoji 2017 ealáhusšiehtadusa bealit sohpe bidjat kr 900 000 mearkagálvoprošeavttaide maid Sámiid Duodji ja Duojáriid Ealáhussearvi sáhttet ohcat. Sámediggi oaivvilda ahte dát prošeakta sáhttá leat mielde váikkuheamen ahte joksat mihttomeari.

– Mii doaivut ahte dát šattašii buorren ovddideapmin duojáriidda, ja ahte dát sihkkarasttášii sin ealáhusa, dadjá sámediggeráđđi Berit Marie P.E. Eira.

Odne eai leat duojis eará mearkagálvoorganisašuvnnat Norggas. Mearkagálvoorganisašuvdna galgá doaimmahit márkanastima ja vuovdima válljejuvvon duojáriid ovddas.

Duddjomiin galgá sáhttit eallit

Mihttomearrin mearkagálvoáŋgiruššamiin MIS of Sápmi lea ráhkadit gánnáhahtti ja ceavzilis fitnodagaid. Dat mearkkaša ahte buvttadeaddjit galget duoji buvttademiin eallit.

Seammás háliida Duojáriid Ealáhussearvi ahte mearkagálvoáŋgiruššan galggašii buktit máhttogaskkusteami sámi kultuvrra, eallinvuogi ja eallinvuođu birra. Dan sáhttá dahkat go oahpásmahttá sámi duoji olggobeali márkaniidda.

– Sámediggeráđđi áigu mielas čuovvut ovddideami maid mearkagálvoáŋgiruššan buktá, dadjá Eira.

Gulahallan: Sámediggeráđđi Berit Marie P.E. Eira, mob. +47 913 28 626.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!