TMM produksjoner AS buvttadansearvi lea ohcan Sámedikkis doarjaga buvttadit máttasámi mánáid-TV ráiddu “Sööfe”. Ráiddus lea sáhka gullevašvuođas guovtti sierra kultuvrii, gos čuovvut 11-jahkásaš Sööfe, guhte ráiddus álggos lea eanemus “stuorraservodat-norgalaš” ja loahpas šaddá čeavlás máttasámi nieidan geas leat garra dovddut árbevirolaš boazoeaiggáteallimii.

– Mii leat ilus go sáhttit addit doarjaga dán prošektii. Ráiddus lea gelddolaš fáddá, maid ollu sámi mánát dovdájit. Ráidu ovdan buktá gova sámi kultuvrras gaskal árbevirolaš ja ođđa áiggi. Dat čájeha rikkis sámi kultuvrra, ja lea deaŧalaš ovdan buktin sihke sámi ja ii sámi mánáide, dadjá sámediggeráđđi.
 

Mediafálaldat sámegillii

Sámediggeráđi juolludus dávista Muohtačalmmit-álginjulggaštusa vuoruhemiide, gos earret eará deattuhuvvo man deaŧalaš lea sihkkarastit dan ahte sámi gielat gullojit ja geavahuvvojit. Sámediggeráđđái lea maiddái deaŧalaš fuolahit buori mediafálaldaga sámi mánáide ja nuoraide.

– Sámi mánát ja nuorat dárbbašit mediafálaldaga mas oidno ja vuhtto sin iežaset duohtavuohta sin gielaide, áŋggirdeaddji vuogi mielde. Dat nanosmahttá mánáid identitehta ja doaibmá maiddái giellaarenan. Danne lea hui deaŧalaš láhčit dákkár prošeavttaid main lea buorre kvalitehta, dadjá Mikkelsen.

Máttasámi mánáid-TV ráiddu “Sööfe” lea ovttasbargu TMM produksjoner AS ja NRK Super ja NRK Sápmi gaskka, ja ráidu sáddejuvvo NRK:s. Dát seamma buvttadansearvi lea maiddái duogábealde máttasámi mánáid-TV ráiddu “Laara ja Leisa”, mii maiddái sáddejuvvui NRK:s.

Sámediggeráđđi lea juolludan 300.000 ru bušeahttapoasttas regionálaovddidanprošeavttat.

Jearahallama addá, sámediggeráđđi Mikkel Eskil Mikkelsen, telefovdna: 917 42 161

 

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!