– Lea hui buorre Máze gillái ja erenoamážit vuorasolbmuide go dákkár fálaldat addo sidjiide. Lea erenoamáš dehálaš ahte mii váldit vára iežamet vuorasolbmuin, dadjá sámediggeráđđi Berit Marie P.E. Eira.

Eira, Berit Marie.jpg
Berit Marie P.E. Eira (Foto: Kenneth Hætta)

Prošeavtta mihttu lea ovddidit ja áimmahuššat sámi vuorrasiid dearvvašvuođa ja sosiála eallima. Jurdda lea lágidit fáddádeaivvademiid mas vuorasolbmuide fállojuvvo fágalaš oassi, sosiáliseren ja borramuš. Diakonas lea ovddasvástádus deaivvademiide, ja Guovdageainnu suohkana bealis servet deaivvademiide diehtojuohkimiin ja logaldalliiguin.

Eira lohká buorren vuorasolbmuid dearvvašvuhtii go sii eai dárbbaš ruovttus čohkkát akto.

– Vuorasolbmot geat orrot akto dahje boaittobealde sáhttet dovdat iežaset hui akto, juoga mii sáhttá čuohcat sin dearvvašvuhtii. Deaivvadeamit sáhttet eastadit dearvvašvuođaváttuid ja heajut psyhkalaš dearvvašvuođa.

Sámediggeráđđi Berit Marie P.E. Eira háliida vel rámidit Guovdageainnu girkolaš oktasašrádi ja diakona gii lea bargan oažžut dákkár fálaldaga, ja sávvá ahte suohkan nuvttá luoiká suohkanvistti vuorasolbmuide.

Jearahallama addá sámediggeráđdi Berit Marie P.E. Eira, +47 913 28 626

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!