PRD: Doarjja julevsámi biibbaljorgaleapmái

Sámediggeráđđi lea juolludan 300 000 ru Norgga biibbalsearvái joatkit biibbala jorgalanbarggu julevsámegillii.

Ođas | Almmuhuvvon

Ulbmilin lea ollistit Girkojagi biibbalteavsttaid jorgaleami ja joatkit Boares testameantta jorgalemiin julevsámegillii.

Sámediggeráđđi Mikkel Eskil Mikkelsen (NSR) dadjá ahte lea deaŧalaš doarjut julevsámi prošeavttaid.

– Dárbu lea jorgalit biibbalteavsttaid julevsámegillii. Biibbalteavsttat sámegillii leat mielde nannemin girku almmolaš julevsámi giellaarenan. Dát sáhttá maiddai buktit oidnosii julevsámi giela ja kultuvrra ja nannet daid stáhtusa servodagas.

Jorgalanbarggu bokte ovdána julevsámegiella sihke fágalaččat ja gielalaččat. Go oahpahuvvojit nuorat julevsámi jorgaleaddjit fágalaš bagaduvvon geavahusa bokte, ja barggu bokte julevsámi normeremiin ja sátnevalljodagain, ja go julevsámi giellaáššedovdit sihkkarastet kvalitehta.

Juolludus sámediggeráđis dávista Muohtačalmmit-julggaštusa vuoruhemiide, mii lea sámediggeráđi álginjulggaštus, mas deattuhuvvo earret eará man deaŧalaš lea sihkkarastit ahte sámegielat gullojit ja geavahuvvojit.

Jearahallama addá ja gažaldagaide vástida sámediggeráđđi Mikkel Eskil Mikkelsen (NSR), tel. +47 917 42 161., mikkel.eskil.mikkelsen@samediggi.no

 

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!