PRD: Doarjja čájálmassii nuortalaččaid kultuvrra ja historjjá birra

Sámediggeráđđi juolluda 150 000 ruvnno vuođđudussii Ferske Scener, teáhterčájálmasa Muohtadivggažat/Lyden av snø buvttadeapmái. Čájálmasa fáddán lea nuortalaččaid kultuvra ja historjá deaivvadettiin oarjemáilmmi ja Ruošša.

Ođas | Almmuhuvvon , ođasmahtton

1826-1949 áigodagas rievdaduvvojedje máŋgii rájit Norgga, Suoma ja Ruošša gaskka, ja nuortalaččaid árbevirolaš eallinvuohki šattai váttisin.

– Sámediggeráđđi lea ilus go sáhttá leat veahkkin duohtandahkamin teáhterbuvttadeami mii čalmmustahttá nuortalaččaid váttis historjjá rájakeahtes álbmogin masa stuorraválddiid rádjarievdadeamit garrasit čuhce, dadjá sámediggeráđi Henrik Olsen.

Čájálmas válddaha golbma vuolggaheami main juohkehaš govvida eallima rádjariikkain nuortan ja oarjin, ja olbmuid mat doppe ásse. Dán guovllus dáhpáhuvve eanemus dramáhtalaš soahtedagut, ja lea guovlu gos stuorraválddit Ruošša ja USA leat maŋimuš 100 jagi geavahan ollu militeara resurssaid gaskasaš rájá markeret.

Bihttá čájehuvvo vuosttaš geardde 2020 geassemánus Festspillene i Nord-Norge riemuin. Dasto čájálmas vuolgá turnéii.

Jus háliidat jearahallat dahje gažaldagaid divvut, de vástida sámediggeráđi Henrik Olsen, tlf. 907 75 219

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!