PRD: - Davvi-Norgga ekonomalaš ovdáneami ferte maid leat buorrin sámi álbmogii

Sámediggepresideantta Aili Keskitalo oassálasttii bearjadaga ealáhusovdáneami ja davvi gelbbolašvuođa njunuščoahkkimii, masa stádaminister Erna Solberga lei bovden. Logut muitalit ahte manná bures davvin, muhto mii diehtit ahte bargosadjeovdáneapmi ii leat seamma buorre árbevirolaš sámi ássanguovlluin.

Toppmøte om næringsutvikling og kompetanse i nord.jpeg

Aili Keskitalo på toppmøte om næringsutvikling og kompetanse i nord

Ođas: Almmuhuvvon , ođasmahtton

Sámediggepresideantta sávaldat lea ahte ekonomalaš ovdáneapmi Davvi-Norggas galgá maid boahtit buorrin sámi álbmogii, earenoamážit árbevirolaš sámi ássanguovlluin.

– Dán oaivvildan mun lea árvogažaldat: ahte sámi guovlluin lea seamma ovdáneapmi go eará ge guovlluin riikkas, lohká sámediggepresideantta Aili Keskitalo.

Sápmelaččat leat árbevirolaččat hirbmat čeahpit nuppástuhttit iežaset deattuha Keskitalo, ja oaivvilda ahte dat árbevirolaš sámi ealáhusat fertejit gárvejuvvot doahttalit boahtte áiggi nugo dat eará ealáhusat.

– Lea dehálaš oažžut formálagelbbolašvuođa  árbevirolaš ealáhusaid siskkobealde, nugo ovdamearkka dihte boazodoalus. Gelbbolašvuođa ovdánahttit ja váldit atnui ođđa teknologiija ja geavahit ođđa ealáhussurggiid, ovdamearkka dihte biebmogálvobuvttadeamis, biebmonáláštuhttimis ja buori biebmovásáhusas. Sámi guovlu lea nanus vuođđoealáhusas ja ollu biebmu buvttaduvvo mii sáhttá eanet ovdánahttojuvvot.  

Keskitalo čujuha maid ahte siskkobealde mátkeealáhusaid ja kreatiivvalaš ealáhusaid lea buorre ovdáneapmi. Alla oahppan ja turistat main lea buorre máksinnávccat háliidit vásihit albma sámi kultuvrra, muhto gažaldat lea movt vuovdit sámi kultuvrra nu ii billistan dan.

– Mii dárbbašit siskkobealde eamiálbmotturisma oahppu ja dahkat dan dihtomielalažžan.  Mun háliidan ovddidit ehtalaš njuolggadus ovdáneapmái, fitnodagaid gálvomearkaortnega/sertifiserema ja oahppangeainnu dán suorggis. Mii dárbbašit stuorit nationála prográmma dása. Dát sihke ovdánahttá sámi kultuvrra ja addá internationála gilvofámu, jáhkká Keskitalo.

Váldde oktavuođa sámediggepresideanttain Aili Keskitaloin, jus leat jearaldagat dahje áiggut jearahallama, +47 971 29 305

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!