PRD: Bovdet seminárii Sámedikki ealáhusdieđáhusa birra

Kulturvuođustuvvon ealáhusovdánepmi ja rievdadusat vuoruhemiin sámi ealáhusovdáneamis leat fáddán semináras Sámedikki ealáhusdieđáhusa birra, ihttin duorastaga 23.5.

Ođas | Almmuhuvvon

Sámediggi galgá čakčat 2019 mearridit ealáhusdieđáhusa. Dan oktavuođas bovde Sámediggi buot sámediggeáirasiid ja eará berošteddjiid seminárii ihttin, duorastaga miessemánus 23. b. diibmu 0900 rájes Sámedikkis Kárášjogas, gos earret eará Sápmi ealáhusgárdi doallá sáhkavuoru.

- Mii ávžžuhat buot sámediggeáirasiid geat beroštit sámi ealáhusovddideames searvat. Dál lea mis vejolašvuohta leat mielde hábmemin ealáhuseallima Sámis, dadjá sámediggeráđđi Silje Karine Muotka.

Ealáhusovddideapmi boahtteáiggis

Sámediggi oaidná earret eará ahte lea dárbu ságastallat daid rievdadusaid birra maid eretfárren árbevirolaš guovlluin dagaha. Sámediggeráđđi háliida ságastallama váikkuhusaid birra mat das leat barggolašvuhtii ja ealáhusstruktuvrii árbevirolaš sámi guovlluin.

Sámediggi vásiha seammás ahte eanet gielddat háliidit searvat Sámedikki ealáhusovddideami váikkuhangaskaomiid guvlui (STN-guovlu), mii stuorruda vejolaš doarjjavuoigadahttojuvvomiid logu Sámedikki ealáhusovddideami váikkuhangaskaomiide.

– Mii fertet dán oktavuođas geahččat ahte áiggi mielde Sámedikkis vátnot ruđat maid geavahit ealáhusovddideapmái, mii mearkkaša ahte doarjjageavahusa ja njuolggadusaid ferte rievdadit, dadjá sámediggeráđđi Silje Karine Muotka.

Seminára rávdnjejuvvo Sámedikki neahtta-tv bokte: https://sametinget.kommunetv.no/

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!