Ovttasbargošiehtadus Sámedikki ja KS gaskka

Sámediggi ja KS leat odne vuolláičállán ovttasbargošiehtadusa mii galgá sihkkarastit formaliserejuvvon ja vuogádatlaš ovttasbarggu áššiin main leat oktasaš beroštumit. 

DSC_2781.JPG

Ođas | Almmuhuvvon

KS fylkastivra Finnmárku ásahii 2016:s oktavuođa Sámedikkiin, ja leat dan rájes leamaš gulahallančoahkkimat Sámediggeráđiin. KS:s ja Sámedikkis leat jagi 2017 rájes leamaš gulahallamat ollu áššesurggiin main leat oktasaš beroštumit. Ovttasbargošiehtadus lea dán gulahallama boađus.
Giđđat 2020 ásahuvvo fierpmádat sámi giellahálddašanguovllu gielddaid várás dáid orgánaid álgaga ja ovdabarggu mielde.

Guovddáš ovttasbargosuorggit
Ovttasbargošiehtadus gaskal Sámedikki ja KS čatnasa dán šiehtadusáigodagas dáidda surggiide:

NAČ 2016:18 Váibmogiella.
Sámi giella ja kultuvra gielddasuorggis.
Dakkár fágaolbmuid rekrutteren geain lea sámi giella- ja kulturgelbbolašvuohta.
Digitaliseren ja sámegiella gielddain.
Sámi giella ja kultuvra mánáidgárddis ja skuvllas.
Árvvoštallat ásahit fierpmádaga daid gielddaid várás main lea sámi álbmot.
Gulahallan konsultašuvdnaortnega birra.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!