Juoiggas sámegielaid ja vuoitte 20.000 ruvnno

Riikkaidgaskasaš eamiálbmogiid giellajagi oktavuođas hástalit du bidjat luođi sámegielaide.

Ođas | Almmuhuvvon , ođasmahtton

Luohtegilvvuin áigu Sámediggi, ovttas NRK Sámiin, čalmmustahttit ja loktet luođi ja sámi gielaid. Gilvu lea oassin sámi giellavahkus 2019.

– Buohkat geat háliidit sáhttet bidjat luođi giellaloktemii, lohka Sámedikki giellaossodaga direktevra Anne Britt K. Hætta.

Luohti galgá govvidit sámegielaid, sámi servvodaga gielladili dahje čalmmustahttit giellaloktema.

– Luohtái lea čadnon sámi giella, kultuvra ja sámi árbevierut. Dan dihte lea dat dehálaš giellaloktemis, dadjá Hætta.

Don sáhtát juoigat, dovdnet, huradit ja dajahallat. Galgá leat árbevirolaš luohti musihka haga.

Vuoitu lea 20.000 ruvnno vuoitoluohtái.

Luohti ii galgga bistit guhkit go golbma minuhta.

Áigemearri sáddet evttohusa gilvui lea sotnabeaivi golggotmánu 6. beaivvi.

Golggotmánu 7. ja 8. beaivvi válljejuvvojit luođit mat besset gilvui mielde.

Válljejuvvon luođit almmuhuvvojit golggotmánu 9. beaivvi. Dan maŋŋil lea vejolaš guldalit ja jienastit du jiellatluođi neahtas. Jienasteapmi bistá golggotmánu 16. beaivái.

Vuoitoluohti almmuhuvvo golggotmánu 22. beaivvi.

Ná sáddet luođi gilvui

Don dagat luođi, luohti ii galgga ovdal gullon almmolaččat.

Filbme giehtatelefovnnain iežat go juoiggat.

De manat dán čujuhussii ja sáddet videofilmmaža dán čujuhusa bokte: https://bidra.nrk.no/joik.

Jus leat gažaldagat, de sáhtát váldit oktavuođa Sámedikki giellaossodaga direktevrrain Anne Britt K. Hætta + 47 78 48 42 91dahje fágajođiheddjiin Per Johannes Marainen, +47 78 48 42 78.

Luohtegilvvu njuolggadusat WORD | 15.489 kB

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!