-Min mielas lea hui mávssolaš go Gonagaslaš Majestehta Kruvnnaprinsa Haakon áigu oassálastit loahpahančalmmusteamis, lohka sámediggepresideantta Vibeke Larsen.

1938_73_5 Mellemgård_Gammelfjøs (3).JPG

Sámediggi lea ovttas Riikaantikvárain ja Dálkkádat- ja birasdepartemeanttain identifiseren ja registreren sámi visttiid mat leat huksejuvvon ovdal 1925. Prošeavtta áigumuš lei oažžut ovdan dieđuid ráfáidahttojuvvon sámi visttiid Norggas. Prošeaktaáigodagas 2011 rájes leat registrerejuvvon sullii 800 vistti, Plassje rájes lulde girtta Deanu rádjai davvin.

Sámedikki presideanta Vibeke Larsen dadjá ahte registreremat lea mielde oainnusin dahkamin sámi kultuvrra ja identitehta sihke báikkálaččat ja riikka viidosaččat.

-Visttit leat dehálaš gáldun máhttui ja historjái sámi báikegottiid birra miehtá riikka. Visttiid bokte oažžut dieđuid sihke sámi servodaga ja ovttaskas bearrašiid ja sogaid birra doppe gos visttit lea geavahuvvon buolvvaid čađa, dadjá Sámedikki presideanta Vibeke Larsen.

Dálkkádat- ja birasminister Vidar Helgesen ja riikaantikvára Jørn Holme boahtiba maid doaluide.

Loahpahančalmmusteapmi lea rabas buohkaide ja doalut leat dán áigodagas dii. 11.00-13.30.

Maŋŋel čalmmusteami Gállogiettis galgá Kruvnnaprinsa fitnat Borris Skánehis gos son galgá geahččat sámi láđu mii lea sullii 1850 – logu rájes, ja maid leat ođasteame.

Diehtu pressii akkrediterema birra:

Media mii háliida čuovvut doaluid ferte ohcat akkrediterema ovdal 25.b. borgemánu 2017. Váldde oktavuođa Nordlándda Fylkkamánni gulahallanhoavddain Wigdis Korsvik  e-poastta bokte: wigdis.korsvik@fylkesmannen.no.

Merke e-poastta “Akkrediteren 23. b. borgemánnu” Loahpahančalmmusteami plána birra sáddejuvvo eanet dieđut sidjiide geat háliidit čuovvut doaluid. 

Dáppe sáhtát lohkat eanet sámi visttegáhttema birra:

Prošeavtta jođiheaddji Mia De Coninck, 78 47 49 23, mia.coninck@samediggi.no

https://www.sametinget.no/Tjenester/Miljoe-areal-og-kulturvern#section-Samisk-bygningsvern

Gállogieddi sámi olgomusea:

http://www.evenes.kommune.no/om-kommunen/opplevelser/1945-gallogieddi

Media sáhttá váldit oktavuođa prošeavtta birra:

Jan Roger Østby, Sámedikki gulahallandirektevra, 481 44 696

Siri Wolland, Riikaantikvára gulahallandirektevra, 982 02 735

 

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!