Sámediggi galgá buktit cealkámuša Duohtavuođa- ja seanadankommišuvnna mandáhtii maid Stuorradiggi lea nammadeamen. Mii háliidit ahte dán barggu vuođđun galgá leat sámi servodat ja danne leat doallan rabas čoahkkimiid miehtá Sámi vai beassat gullat álbmoga oainnuid. Leat maid bovden álbmoga sáddet e-boastta bokte cealkámušaid.

Dađi bahábut čájehuvvo dál ahte teknihkalaš sivaid dihte ii leat e-boastačujuhus duohtavuohta@samediggi.no doaibman, ja dan mii šállošit.

Danne fertet bivdit du ođđasit sáddet cealkámuša, jus leaččat dán čujuhussii geahččalan ovdal sáddet. Dál doibmet buot e-boastačujuhusat.

Áigemearri sáddet cealkámušaid Sámediggái lea duorastaga cuoŋománu 26. beaivvi. Sádde deike: duohtavuohta@samediggi.no, saetniesvoete@samediggi.no ja/dahje sannhet@samediggi.no

Sáhttá maid sáddet cealkámuša mandáhttii reivve bokte Sámediggái, Ávjovárgeaidnu 50, 9730 Kárášjohka.

Maŋŋel dán áigemeari hábmegoahtá Sámediggi cealkámuša, mii galgá meannuduvvot Sámedikki dievasčoahkkimis.

Loga maid: Áigemearri buktit cealkámušaid Duohtavuođakommišuvnna mandahttii lahkona
Loga maid: Cealkámušaid Duohtavuođa- ja seanadankommišuvnna mandáhta birra

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!