Sámedikki mihttomearri duoji hárrái lea oččodit eanet duojáriid geain duodji lea ealáhussan. Sámediggi háliida ovddidit duoji boahtteáiggediđolaš ja geasuheaddji ealáhussan, ja háliida buoridit ealáhusa ámmátčehppodaga, dietnasa ja gánnáhahttivuođa.

Duodjeinstituhtta (DI) lea fitnodat mas lea guhkes árbevierru ja dehálaš rolla duodji bisuheamis ja ovddideamis. Duodjebagadallanortnet lea olu jagiid leamaš DI hálddašeamis ja das leat mielde bagadallit miehtá Sámi.   

– Sámediggi háliida vuosttažettiin diehtit guđe muddui DI veahkeha olahit Sámedikki mihtu duoji hárrái. Mii háliidit maiddái diehtit geat ávkkástallet instituhta iešguđetlágan fálaldagaid, ja man duhtavaččat geavaheaddjit leat fálaldagaiguin. Sámediggái lea dehálaš diehtit eambbo ealáhusbargiid dárbbuid birra, ja guđe muddui DI nákce gokčat ealáhusa dárbbu. Sámediggi háliida maiddái diehtit eambbo guđe muddui bagadallanvirggit gokčet duodjeealáhusa gelbbolašvuođadárbbu, dadjá sámediggeráđđi Berit Marie Eira.  

– Telemarksforskning áigu váldit oktavuođa válljejuvvon duojáriiguin ja ealáhusbargiiguin. Mii ávžžuhit buohkaid bures váldit vuostá Telemarkforskninga ja dan barggu mii galgá dahkkot. Sámediggeráđis leat stuora vuordámušat evaluerema bohtosiidda, ja mii sávvat ahte evalueren addá buori vuođu viidásit strategiijaid árvvoštallamii duodjeealáhusa čuovvoleami ja ovddideami ektui, loahpaha sámediggeráđđi Berit Marie Eira.

Jearahallama addá sámediggeráđdi Berit Marie P.E. Eira, +47 913 28 626

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!