Duođalaččat balus sámeskuvlla heaittiheami ektui

Romssa fylkasuohkan lea geassán ruovttoluotta daid ruđaid mat galge geavahuvvot Romssa sámeskuvlla ohppiid skuvlasáhttui. Dás leat stuorra váikkuhusat sámeskuvlla boahtteáigái. – Mun lean duođalaččat fuolastuvvan sámeskuvlla boahtteáiggi ektui, ja bivddán Romssa fylkasuohkana nuppástuhttit mearrádusa dan ektui go eai šat áiggo máksit skuvlasáhtu ovddas, dadjá sámediggeráđđi Mikkel Eskil Mikkelsen.

IMG_E3510.JPG

Sámediggeráđđi Mikkel Eskil Mikkelsen

FOTO | Åse M.P. Pulk/Sámediggi

Ođas | Almmuhuvvon

Rievdadusat ja čielggadeamit ohppiid skuvlasáhtu ektui gustovaš njuolggadusain leat dagahan ahte ohppiid ruovttugielddas dál lea ovddasvástádus máksit sáhttogoluid skuvlii ja fas ruovttoluotta. Dát lea boahtán ovdan maŋŋá go Romssa fylkasuohkan 2017:s dieđihii ahte ii šat áiggo máksit skuvlla ohppiid skuvlasáhtu. Dál lea oahppi ovttaskas ruovttugielddain ovddasvástádus máksit skuvlasáhtu. Skuvla lea álgán ja sámi mánát eai dieđe ožžot go sii deaŧalaš fálaldaga.

– Dál lea ohppiid oahpahusfálaldat sámegielas ja sámegillii gitta ovttaskas gieldda buorredáhtus ja ekonomiijas. Prinsihpalaččat ii leat dohkálaš ahte ohppiid vuoigatvuođat ja vejolašvuođat ráddjejuvvojit ná. Mii diehtit ahte Romssa sámeskuvla lihkostuvvá barggustis, ja das lea fálaldat sámi mánáide badjel dan maid mii gávdnat guovllus. Go skuvla dieđiha dan dan leahkin lea áigojuvvon, de fertet mii bargat. Mii galgat suodjalit skuvlla, dadjá Mikkelsen.

Áidna sámi oahpahusásahus guovllus

Romssa sámeskuvla lea okta vátna sámi ásahusain guovllus. Sámedikki beales oaidnit mii ahte Sámeskuvla lea leamaš vealtameahttun deaŧalaš ealli sámegillii doppe gos dat doaibmá, okta vátna sámi ásahusain guovllus.

– Go Romssa sámeskuvlla sisaváldinguovlu lea olles riika de dat lea guovddáš doaibma sámi kultuvrii ja servodateallimii guovllus ja danne sis galget leat eavttut sáhttit čađahit doaimmaset maid dál dahket.

Historjá das go nana sámegielat birrasat heaittihuvvojit

Mikkelsen várre Romssa fylkkasuohkana ahte lea bahá ahte billistit vel ovtta nanu sámi oahpahusásahusa.

– Mii muitit bures mii dáhpáhuvai maŋŋil go heaittihedje Skániid joatkkaskuvlla. Guovddáš sámegielat biras jávkkai ja oahppit masse áibbas dárbbašlaš sámegiel fálaldaga, vaikko lohpádusat addojuvvoje, dadjá Mikkelsen ja deattuha ahte Sámediggi dahká maid sáhttá gádjut sámeskuvlla.

– Lean váldán oktavuođa sihke Máhttodepartemeanttain, Romssa ja Finnmárkku fylkkamánniin ja Romssa fylkkasuohkaniin gávdnan dihte čovdosa sámeskuvlii. Ohppiin geat leat álggahan skuvlajagi sámeskuvllas lea eahpesihkkaris boahtteáigi vuordimis. Nu ii sáhte leat, loahpaha Mikkelsen.

Jearahallama addá sámediggeráđđi Mikkel Eskil Mikkelsen, tel. +47 917 42 161

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!