Elle-Hánsa/Keviselie/Hans Ragnar Mathisen addá dáiddačoakkáldaga Árran julevsámi guovddážii, vai dat bissu oktan čoahkkádussan. Dáiddára ja Árrana gaskka lea čállojuvvon šiehtadus. Dáidagiid lohku lea árvvoštallon leat 15.000. Váldoáššis leat dáiddačoahkkádusas govvadáidagat ja birrasii 40 giehtatevdnejuvvon kártta iešguđege báikkiin Sámis.

Sámediggeráđđi oaivvilda ahte prošeakta lea erenoamáš vejolašvuohta gozihit sámi dáidda- ja kulturriggodaga maŋit áigái ja dasa lassin sáhttá leat vejolašvuohta ráhkadit sihke bissovaš ja gaskaboddosaš čájáhusaid.

Silje_Karine_Muotka.jpg

Sámediggeráđđi Silje Karine Muotka

Govven: Åse M. P. Pulk/Sámediggi

– Elle-Hánsa/Keviselie/Hans Ragnar Mathisen lea dovddus sámi dáiddár ja dán oktavuođas lea stuorra servodatávki go su dáidda gozihuvvo dohkálaš vuogi mielde boahtteáigái, ja erenoamážit lea deaŧalaš ahte dát suodjaleapmi čoahkkádussan addá sámi servodagaide buoret vejolašvuođa gaskkustit dáidaga boahtteáiggi sohkabuolvvaide, dadjá sámediggeráđđi Silje Karine Muotka.

Dáidda lea dáiddára olles eallima čoakkáldat. Elle-Hánsa/Keviselie/Hans Ragnar Mathisen lea searvan mearihis ollu čájáhusaide ja su dáidaga leat oastán ollu almmolaš ásahusat, earret eará Nationálamusea dáidaga várás. 2017:s lei son ovddastuvvon Documeanttas, maid ollugat rehkenastet ođđaáiggi dáidaga máilmmi deaŧaleamos čájáhusarenan.

200 000 ruvdnosaš doarjaga ulbmilin lea sihkkarastit ahte dáiddaskeaŋka dohkálaččat fievrriduvvo, registrerejuvvo ja biddjojuvvo magasiidnii.

Gažaldagaide vástida ja addá jearahallama sámediggeráđđi Silje Karine Muotka, mob. +47 984 87 576. 

Muotkas gávdná govaid dáppe.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!