Go Stuorradiggi meannudii 2018 stáhtabušeahta, de mearriduvvui ahte juolluduvvo 1 miljon ru sámi doaibmabijuide givssideami eastadeami várás.

Doaibmabijuid ulbmilin lea unnidit givssideami mánáid ja nuoraid gaskkas, geain lea sámi duogáš, giella dahje kultuvra. Dat sáhttá guoskat doaibmabijuide mánáidgárddiin, vuođđoskuvllain dahje joatkkaskuvllain, dahje astoáiggefálaldagain mánáid ja nuoraid várás. Vejolaš lea ohcat ruđaid doaibmabijuid gaskkusteapmái ovtta dahje máŋgga sámegielaide.

Doaibmabijut sáhttet leat báikkálaččat dahje riikaviidosaččat. Sávahahtti lea juksat nu ollu mánáid ja nuoraid go lea vejolaš.

Doaibmabijuid galgá čađahit priváhta ja eaktodáhtolaš organisašuvnnaid doaimmas. Sámi organisašuvnnain dáidet leat erenoamáš eavttut heivvolaš doaibmabijuid hábmemii, ja ávžžuhuvvojit ohcat doarjaga.

Doarjja sáhttá addojuvvot 1-jagáš doaibmabijuide, mat čađahuvvojit juogo organisašuvnna dábálaš doaimmas dahje prošeaktavuđot doaibmabidjun organisašuvnnas. Doaibmabidjoáigodat lea 12 mánu rehkenastojuvvon dan áigemeari rájes go doarjjaoažžut ožžot doarjjareivve juolluduvvon doarjjaohcamiin.

Oahpahusdirektoráhta dat árvvoštallá ohcamiid ja dahká mearrádusaid ruđaid juogadeamis. Dan dahket oppalaččat árvvoštallama vuođul.

Doarjjajuolludusa stivre bušeahtta. Stuorradikki juolludus 1 miljon ru lea bajimuš rámma ollislaš doarjjasubmái mii sáhttá juolluduvvot dán ulbmilii 2018:s.

Ohcanáigemearri lea borgemánu 31. b. 2018.

Loga eanet doarjjaortnega birra ja oza doarjaga

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!