Čoahkkesiidu dieđuide korona-pandemiija oktavuođas

Dása leat čohkken buot artihkkaliid ja kronihkaid maid mii leat almmuhan korona-pandemiija oktavuođas.

Ođas | Almmuhuvvon , ođasmahtton

Sámedikki reviderejuvvon bušeahtta 2020, 15.5.2020
Sámediggeráđđi lea iežas reviderejuvvon 2020 bušeahttaevttohusas joatkán doaibmabijuid mat dorjot ealáhusaid ja kultureallima Sámis, maidda Korona lea maid garrasit čuohcan. – Lean maid ilus go dáinna evttohusain sáhttit haddelasáhusa addit buohkaide geat ožžot njuolggadoarjaga, lohká sámediggeráđi Henrik Olsen (NSR).

– Sámi ealáhuseallima dárbbašlaččat lokten, 12.5.2020
Reviderejuvvon stáhtabušeahta bokte addojuvvo sámi fitnodagaide deaŧalaš veahkki. Sámediggepresideanta Aili Keskitalo (NSR) dadjá buorre go ráđđehus doarju muhtun ráje Sámedikki fuolastuvvamiid.

Koronadoaibmabijut duodjái, 29.4.2020
Sámediggi ádde bures váikkuhusaid maid duodjefitnodagat vásihit koronavirusa geažil.  

Dieđut olbmuide geat Sámedikki galledit, 24.4.2020
Sámediggi Kárášjogas lea vuossárgga cuoŋománu 27. b. rájes fas rabas publikummii, vissis ráddjejumiiguin koronadilálašvuođa geažil. Dábálaš ofelastimiid eat vuos lágit.

Sámediggi čađaha digitála lávdegodde- ja dievasčoahkkima, 15.4.2020
Sámedikki dievasčoahkkima jođihangoddi lea mearridan ahte lávdegoddečoahkkimat ja geassemánu dievasčoahkkin čađahuvvojit digitála reaidduiguin.

Kronihkka: Eahpedievaslaš buohcciviessofálaldat go dárbbašat dan eanemusat, 06.4.2020
Kronihkka sámediggeráđi Hans Ole Eira bokte

Sámediggi heiveha iežas fálaldagaid 01.04.20 rájes gokčan dusten ealáhuseallima rievdan dárbbuid koronapandemiija geažil, 03.4.2020
Sámediggi čalmmustahttá daid smávvafitnodagaid ja ovttaolbmofitnodagaid main lea nuppástuhttindárbu ja ovddidanvejolašvuohta. Dat fitnodagat ja suorggit vuoruhuvvojit mat gillájit eanemusat, das maiddái sámi mátkeealáhusat ja erenoamážit vásáhusealáhusat, sámi kulturealáhusat, smávvaskála biebmobuvttadeaddjit ja eará sullasaš fitnodagat. Mii ávžžuhit dattetge maiddái eará surggiid fitnodagaid maidda pandemiija lea čuohcan, ohcat doarjaga.

Eai šatta lávdegoddečoahkkimat miessemánus, 03.4.2020
Sámediggi ii lágit lávdegoddečoahkkimiid miessemánus.

Mearriduvvon koronadoaibmabijut kultur- ja ealáhuseallimii, 02.4.2020
Sámediggeráđđi lea dál mearridan doaibmabijuid main fokusis lea ealáhus- ja kultureallima doarjun doaibmabijuiguin, prošeavttaiguin ja nuppástuhttimiin mat sáhttet váidudit vahágiid koronaroasu maŋŋá. – Sámediggi vuordá ahte guovddáš eiseválddit váikkuhit likviditehtadoarjaga ja heahtebáhkaid bokte mat maiddái olahit sámi ealáhusaid ja sámi kultureallima, dadjá sámediggepresideanta Aili Keskitalo (NSR).

Kronihkka: Mo Sámediggi gieđahallá Korona-virusa, 25.3.2020
Kronihkka sámediggepresideantta Aili Keskitalo bokte

Sámegiel digitála oahpporesurssat, 20.3.2020
Dál go mánáidgárddit ja skuvllat leat giddejuvvon miehtá riika, de lea ruovttuoahpahus fáhkka ožžon ođđa saji. Sámediggi lea dan dihte ráhkadan bajilgova makkár sámegiel digitála oahpporesurssat gávdnojit mánáidgárddiide ja vuođđooahpahussii.

Kronihkka: Boazodoalus duppal heahtejahki, 20.3.2020
Kronihkka sámediggepresideantta Aili Keskitalo bokte

Dieđut koronavirusa birra sámegielaide, 16.3.2020
Dearvvašvuođadirektoráhtta, Álbmotdearvvašvuođainstituhtta ja Sámediggi leat jorgalahttime dehálaš dieđuid álbmogii korona birra sámegielaide.

Diehtu doarjjavuostáiváldiide, 14.3.2020
Sámediggi ipmirda bures ahte koronavirus čuohcá sámi ealáhusaide ja ásahusaide, ja muđui kultureallimii masa koronavirus váikkuha, ja dohkkeha danne ahte prošeavttat maŋiduvvojit.

Sámedikki doaibmabijut koronavirusa oktavuođas, 11.3.2020
Sámediggi geahččala dál máŋga doaibmabiju bokte eastadit koronanjoammuma (covid-19) bargiid gaskkas ja oassálastá nationála veahkkálasbarggus eastadan dihte njoammuma ja unnidan dihte deattu dearvvašvuođabálvalusaide.

Ofelastin Sámedikkis bissehuvvo, 06.3.2020
Mii šállošit go fertet dieđihit ahte buot vistečájeheamit Sámedikkis Kárášjogas bissehuvvojit doaisttážii.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!