Buktet árvalusaid – evttohusaid ođđa oahppoplánaide studerenráhkkanahttimis

Lohkat ja buktit árvalusaid árra oahppoplánaevttohusaide fágain maid oahppit válljejit studerenráhkkanahttima Jo2:s ja Jo3:s. Áigemearri buktit árvalusaid lea juovlamánu 2. b. 2019.

Ođas | Almmuhuvvon

Oahpahusdirektoráhtas ja Sámedikkis lea rabas proseassa go mii ovddidit oahppoplánaid ja mii háliidit oažžut mielde din buohkaid geain lea beroštupmi oahpahusa sisdoalus. Dat mearkkaša ahte dii beassabehtet lohkat árra evttohusaid maiguin oahppoplánajoavkkut ain leat bargamin. Mii bivdit oažžut árvalusaid gaskan vai mii oažžut buoret áiggi árvvoštallat din vástádusaid ja dahkat rievdadusaid. Dál lahkona áigemearri buktit árvalusaid.

Sámedikkis lea ovddasvástádus ovddideamis fágaid Sámi visuála kultuvra ja Sámi historjá ja servodat, joatkkaoahpahusa válljenprográmmafágat.

Evttohus čájeha:

  • Fága birra – oahppoplána álgooassi
  • Guovddášoasit – guovddáš sisdoallu fágas

Midjiide lea erenoamáš deaŧalaš oažžut vástádusaid guovddášosiide. Guovddášoasit galget fátmmastit dan mii lea deaŧaleamos das maid oahppit galget oahppat vai sáhttet hálddašit ja geavahit fága. Danne mearkkašit guovddášoasit hui ollu viidásat bargui oahppoplánaiguin ja fágaid sisdollui.

Sámi fágaide eai boađe nu ollu árvalusaid barggu vuolde, ja Sámediggái lea hui deaŧalaš ahte sámi fágaide bohtet árvalusat dis buohkain geat beroštit fágain.

Go buvttát árvalusaid, de geavat Oahpahusdirektoráhta siiddu:

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!