Addá doarjaga Sirpmá skuvlii

Sámediggeráđđi addá 400 000 ruvnno doarjjan Deanu gildii skuvlaovddidanprošektii Sirpmá skuvllas, mas válddahuvvo sámi giellaovddideapmi ja oahppoplánaid heiveheapmi oktan skuvlafálaldahkan norgga-suoma riikaráji rastá.

Ođas | Almmuhuvvon

Prošeavtta ulbmilin lea oččodit ásahuvvot oktasaš rájárasttideaddji sámi skuvlafálaldaga, ráhkadit ođđa sosiála fierpmádaga ja nannet oktasašvuođadovddu dán guovtti skuvlla gaskka, Sirpmá skuvlla Deanu gielddas ja Ohcejoga skuvlla Suoma bealde.

DSC_1847.JPG

Sámediggeráđđi Mikkel Eskil Mikkelsen

FOTO | Govven: Åse M.P. Pulk/Sámediggi

Dát lea deaŧalaš davviriikkalaš ovttasbargu oahpahussuorggis, ja mii oaidnit ahte lea ávki ovttas bargat davviriikkalaš dásis oktasaš skuvlapolitihka ektui sámi giela ja sámi árvvuid vuođul, dadjá sámediggeráđđi Mikkel Eskil Mikkelsen.

Dán vuođul lea Sámediggi 2017:s álggahan prošeavtta man oktavuođas Sámediggi ovttas sámi vánhemiiguin/fuolaheddjiiguin ja skuvlafágalaš aktevrraiguin Suomas ja Ruoŧas, barget dan ala ahte oažžut áddejumi makkár skuvlapolitihkalaš hástalusat sámiin Suomas ja Ruoŧas leat ja mainna lágiin ovttas sáhttá bargat sámi skuvlafálaldaga ovddidemiin. Dáinna prošeavttain lea jotkojuvvon 2018:s.

– Sámediggeráđđi oaidná ahte Deanu gieldda prošeavttas lea sirdinárvu eará vejolaš rájárasttideaddji ovttasbargoprošeavttaide sámi oahpahusas. Mii oaidnit maiddái ahte Sámediggái sáhttá leat ávki prošeavtta dieđuin ja vásihusain, ja das sáhttá leat sirdinárvu min prošektii mas ovddidit viidáset rádjaskuvlaovttasbarggu, dadjá Mikkelsen.

Jos leat jearaldagat dahje áiggut jearahallama, de váldde oktavuođa Mikkel Eskil Mikkelseniin, mob. +47 917 42 161, dahje e-poastta bokte: mikkel.eskil.mikkelsen@samediggi.no

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!