3,2 miljon ru sámi girjjálašvuođa almmuheapmái

Sámediggi lea juolludan doarjaga buot ohcamiidda sámi girjjálašvuođaalmmuhemiin 2018:s.

Ođas | Almmuhuvvon

Oktiibuot ledje boahtán 13 ohcama, ja sámediggeráđđi lea juolludan doarjaga 3,2 miljon ru sámi girjjálašvuođa buvttadeapmái. Buot ohcamiidda juolluduvvuige doarjja iežas prošektii.

– Mii leat hui movtta go sáhtiimet juolludit doarjaga buot ohcamiidda ortnegis. Sámediggeráđđi lea ođđasis vuoruhan ruđaid jagi loahpas, dadjá sámediggeráđđi Henrik Olsen.

Ođđa sámi girječállit

Sámediggeráđđi lea earret eará addán doarjaga Čális fal girječállioahpu antologiijai ja Sámi girječálliidsearvvi antologiijai dan oktavuođas go ávvudit 40 jagi 2019:s.

– Mii dárbbašat eanet ođđa sámi girječálliid ja mun lean ilus go girječállioahpu antologiija almmuhuvvo boahtte jagi. Dasto lea deaŧalaš čujuhit ahte mis leat juo ollu čeahpes sámi girječállit ja dat girjáivuohta boahtá ovdan Sámi girječálliidsearvvi antologiijas, dadjá Olsen.

Davvisámi nuorat sáhttet maiddái illudit go besset lohkat bivnnuhis girjjálašvuođa iežaset gillii, go lea juolluduvvon ruhta Hunger Games vuosttaš girjji jorgaleapmái. Dasa lassin lea juolluduvvon doarjja ođđa mánáidgirjjiid almmuheapmái máŋgga sámegillii, fágagirjjiide, jorgalemiide, jietnagirjjiide ja antologiijaide.

Lágádusdoarjaga rievdadusat

Sámediggi lea rievdadan veaháš sámi girjelágádusaid lágádusdoarjaga, mii ovdal lea leamaš ohcanvuđot. Dál lea doarjja stuorámus sámi lágádusaide rievdaduvvon njuolggadoarjjan, mas mielde maiddái buvttadandoarjja. Dát lea dahkkojuvvon šiehtadusa mielde SALAS:in, muitala sámediggeráđđi.

– Dát mearkkaša dan ahte lágádusat mat ožžot njuolggadoarjaga eanet ieža sáhttet válljet ja vuoruhit makkár girjjiid háliidit buvttadit. Dát lea geahččalanortnet 3 jagi badjel ja mii galgá evaluerejuvvot dađistaga. Ohcanvuđot ortnegis sáhttet eará lágádusat ohcat doarjaga girjjálašvuođa buvttadeapmái, mat eai oaččo njuolggadoarjaga lágádusdoibmii. Danne leat boahtán arvat unnit ohcamat dán jagi, dadjá Olsen.

Boahtte ohcanáigemearri doarjjaortnegii sámi girjjálašvuođa buvttadeapmi lea njukčamánu 1. beaivvi 2019.

Juolludeamit girjjálašvuhtii EXCELL | 10.918 kB

Jus leat gažaldagat, dahje áiggut jearahallama, váldde oktavuođa sámediggeráđiin Henrik Olseniin, mob. +47 907 75 219

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!