22.2 - 12:00

Gáivuona suohkan bovde rabas seminárii mii čalmmustahttá sámi giellalávdegotti árvalusaid - NAČ 2016: 18 Váibmogiella

Goas: Gaskavahku guovvamánu 22. b. 2017, dii. 12.00-16.00
Gos:  Dálusvákki ráđđeviesus

Sámi giellalávdegoddi ovdanbuvttii golggotmánu 10. b. 2016 NAČ 2016: 18 Váibmogiella. Lávdegoddi evttoha máŋga láhkarievdadeami ja doaibmabiju nannen ja ovddidan dihte davvi-, julev- ja lullisámegielaid. Seminára deattuha giellalávdegotti evttohusaid, earret eará sápmelaččaid giellavuoigatvuođaid, ođđa giellaguovlluid ja daid juogu, iešguđet sámegielaid hástalusaid ja giellaoahpahusa metodaid. Sámedikki bealis searvá Marja K. Partapuoli, vuosttaskonsuleanta.

Seminára dulkojuvvo. Prográmma sáhttá rievdat.

Eambbo dieđuid logat Gáivuona suohkana ruovttusiiddus

Gulahallanolmmoš: Per-Johannes Marainen, Giellasiidda jođiheaddji, tlf: 464 30 024

Prográmma:

12.00Buresboahtin gáffe

12.15  Rahpan, Gáivuona ráđđeolmmái

12.25NAČ 2016: 18 Váibmogiela ovdanbuktin: Sámegielaide evttohuvvon láhkamearrádusat, doaibmabijut ja ásahusat, Bård Pedersen, Romssa fylkkamánni

13.15: Jearaldagat ja kommentárat

13.25  Seaillut váibmogiela! Máŋggagielat bajásšaddama strategiijat, ideálat ja duohtavuohta, Kristine Bentzen, professor, UiT

13.45: Jearaldagat ja kommentárat

13.55: Gáffeboddu ja guossoheapmi

14.10:  Váibmogiella ja mearrasámi suohkan, Svein O. Leiros, Gáivuona suohkana sátnejođiheaddji

14.30:  Jearaldagat ja kommentárat

14.40: Hástalusat oahppat sámegiela mánnán ja nuorran Gáivuona suohkanis, Sajane Olsen, Olmmáivákki skuvlla oahppi.

14.50: Jearaldagat ja kommentárat

15.00: Maid dainna váibmogielain? Ane-Alis Vatne Johansen, Giellasiida

15.20:  Jearaldagat, kommentárat ja digaštallan 

15:50: Loahpaheapmi ja čoahkkáigeassuEinar Pedersen; Gáivuona ráđđeolmmái

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!