Seminára - Sámit oidnosis almmolaš statistihkas ja guovddáš registariin – vejolašvuođat ja hástalusat

20.11 - 09:00

Sámediggeráđđi Mikkel Eskil Mikkelsen bokte bovde seminárii Sámedikki lávdegoddevahkus. Semináras lea bajilčála "Sámit oidnosis almmolaš statistihkas ja guovddáš registariin – vejolašvuođat ja hástalusat".

Dat ahte statistihkas álgoálbmogiid birra lea buorre kvalitehta lea oassi stáhta olmmošrievttálaš geatnegasvuođain, erenoamážit barggus go lea áigumuš duohtan dahkat ekonomalaš, dearvvašvuođa, sosiála ja kultuvrralaš vuoigatvuođaid, ja eastadan dihtii vealaheami. Sámediggi lágida seminára skábmamánu 20. b. dii. 09.00 dán fáttá birra, gos ságastallan dihtorsihkarvuođas, personsuojis ja sámiid vejolaš registreremis Álbmotregistaris ja láhkamearriduvvon dearvvašvuođa registariin lea guovddážis. Earret eará lea Norgga olmmošvuoigatvuođaid ásahusas (NIM), sámi dutkanbirrasiin ja Dihtorbearráigeahčus sáhkavuorru.
Seminára lea rabas buohkaide.

Goas: Gaskavahku skábmamánu 20. b. dii. 09.00 – 12.00

Gos: Sámedikki auditorias

Prográmma/Program PDF | 118.344 kB

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!