24.8 - 10:00

Sámediggi lea bargagoahtán guhkitáiggi giellaáŋgiruššamiin – Sámedikki giellaođastus “Giellalokten”. Giellalokten lea obbalaš ja ulbmillaš áŋgiruššan sámegielaid ektui olles servvodagas, ja lea NAČ 2016:18 Váibmogiella čuovvoleamis oassin.

Min vuođđooaidnu lea ahte sámegielat ja dárogiella leat ovttadássásaš ja ovttaárvosaš gielat servvodagas. Dat mielddisbuktá ahte buot almmolaš ásahusat, ealáhusat, organisašuvnnat ja priváhta aktevrrat ávžžuhuvvojit váldit stuorit ovddasvástádusa das ahte sámegielat gullojit, oidnojit ja adnojit olles servvodagas.

Dál bovde Sámediggi din buktit árvalusaid dan gelddolaš bargui. Sámediggi bovde rabas čoahkkimiidda gos Sámediggepresideanta muitala Giellaloktenbarggu birra.

Árvalusaid sáhttá maid čálalaččat sáddet deike: giellalokten@samediggi.no

Áigi ja baiki: Borgemánu 24. b. dii. 10.00-12.00, Sámedikki auditorias Kárášjogas.

Čoahkkin sáddejuvvo maid njuolga Sámedikki neahtta-tv:s

Lunša fállojuvvo dii. 12.00 Sámedikki kantiinas.

Dieđit čujuhussii: kirsten.appfjell@samediggi.no

Go dieđihat ahte searvvat, de dieđit maid áiggut go lunša ja jus dus leat biebmoallergiijat maid fertet vuhtiiváldit.

Jus ii heive boahtit dán dáhtona de Sámedikki presideanta doallá seamma čoahkkima Snoasas 29.8, Ájluovttas Divttasvuonas 31.8, ja Návuonas 19.9. 

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!