Language Technologies for All-konferánsa Pariissas

Juovlamánu 4.–6. beivviid lágida UNESCO Language Technologies for All: Enabling Linguistic Diversity and Multilingualism Worldwide (LT4All) giellateknologalaš konferánssa Pariissas.

04.12 - 09:00
06.12 - 15:00

Konferánsa lágiduvvo riikkaidgaskasaš eamiálbmotgiellajagi 2019 (IYIL2019) oktavuođas, ja jurddan lea čohkket ovddasvástideddjiid UNESCO:s ja riikkaidgaskasaš orgánain, nationála ja guvllolaš eiseválddiin ja akademiijain, giellateknologiijadutkiid, lingvisttaid, industriijaid, eamiálbmogiid ja giellapolitihkalaš mearrideddjiid miehtá máilmmi, digaštallat čuovvovaš fáttá: “Mo lea vejolaš ovdánit otná dilis mas dušše 2% máilmmi badjel 7.500 gielas ávkkástallet giellateknologiija iešguđetge kvalitehtadásis, dakkár dillái mas nagoda gokčat viidábut ja mas lea buoret kvalitehta?”

Konferánsa bistá golbma beaivvi. Vuosttaš beaivvi fáddán lea máŋggagielatvuođa oppalaš dilli máilmmis ja cybermáilmmis. Nuppi ja goalmmát beaivvi lea fáddán giellateknologiija, ja ulbmilin lea suokkardit giela ja teknologiija oktavuođa dieđalaš, teknihkalaš, kultuvrralaš, gielalaš, ekonomalaš ja politihkalaš geahččanguovllus. Konferánssa prográmma fátmmasta sihke dieđalaš presentašuvnnaid, panelaid, raporttaid, vuogádagaid ja innovatiivvalaš applikašuvnnaid demonstreremiid, ja vásáhusaid das, maid leat olahan dákkár teknologiijaid lávdamis.

Sámedikki bealis konferánsii searvaba sámediggepresideanta Aili Keskitalo ja politihkalaš ráđđeaddi Eirik Larsen.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!