Giellavahkku 2019

Sámi giellavahkku ulbmilin lea buoridit sámegielaid stáhtusa, ja buoridit máhtu sámi giela ja kultuvrra birra olles servodagas. Juste dán vahkus galget sámegielat gullot ja oidnot juohke sajis.

21.10 - 00:00
27.10 - 00:00

Dáhton: Golggotmánu 21.- 27. beivviid 2019

Báiki: Miehtá riikka

Geasa: Buohkat leat bovdejuvvon

Leat go don goassige smiehttan manne sámegiella ii oidno galbbain, mielkebáhkain dahje interneahtas? Don leat dákko bokte bovdejuvvon Giellavahkkui 2019! Searvva giellaloktemii!

MII LEA SÁMI GIELLAVAHKKU?
Sámi giellavahkus mii ovttas oainnusmahttit ja buoridit máhtu sámegielaid birra olles servodagas. Priváhta ja almmolaš ásahusat, ealáhuseallin, organisašuvnnat ja eará aktevrrat bovdejuvvojit oainnusmahttit sámegielaid juste dán vahkus. Ovttas váldit mii stuorábuš ovddasvástádusa sámegielaid gullomis, oidnomis ja geavaheames buot servodatsurggiin.

MAID SÁHTTIBEHTET DII DAHKAT?
Čájehit gielalaš ja kultuvrralaš girjáivuođa Norggas, ja leat mielde šaldumin sámi ja norgga servodaga gaskka.

Ovdamearkkat maid sáhttibehtet dahkat leat:
• Ráhkadit sámi sisdoalu sihke sámiid ja ii sámiid ektui
• Loktet sámegiela ja sámi kultuvrra iešguđege vugiiguin
• Čállit bures boahtima sámegillii
• Ráhkadit infoplakáhta maiddái sámegillii (omd. muitte nuollat skuovaid)
• Lágidit giellagáffádaga
• Heŋgestit Sámi giellavahkku 2019 plakáhta.
• Buot veahkki lea buorre!

Dus soitet leat eará buorit jurdagat, ja háliidat leat mielde Giellavahkus?
Čális dákko giellalokten@samediggi.no, dahje válddes oktavuođa du lagamus sámi giellaguovddážiin!

Searvva minguin ovttas oainnusmahtit sámegielaid!

#giellavahkku #giellavahkko #gielevåhkoe

Loga eanet: Sámi giellavahkku 2019

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!