12.3 - 10:00
15.3 - 18:00

Sámediggeráđđi Silje Karine Muotka deaivá ON Olmmošvuoigatvuođalávdegotti vákšunorgána ovdal go Norga galgá gulaskuddamii njukčamánu 14.- 15 beivviid siviila ja politihkalaš vuoigatvuođaid konvenšuvnna (SP) čađaheami birra. Sámediggeráđđi lea buktán molssaevttolaš raportta sámi álbmoga dili birra, mii kommentere ja boahtá lassin Norgga 7. stáhtusraportii.

Čoahkkimis lávdegottiin áigu Muotka deattuhit sisabáhkkenáššiid sámi guovlluin, ja váilevaš konsultašuvnnaid oažžun dihte ovdalgihtiidieđihuvvon miehtama SP artihkal 27 mielde. Muotka áigu maid čilget Alimusrievtti duomuid Jovsset Ante Sara- ja Langesundforbindelsen-áššiin. De diehtá lávdegoddi Sámediggeráđi oainnu birra dáin áššiin, jus bohtet individuála váidagat mearrádusaide. Dasa lassin áigu Muotka čalmmustahttit sámegielaid dili ja hástalusaid čadnon sámegiel oahpahussii. Norgga gulaskuddama maŋŋel áigu ON Olmmošvuoigatvuođalávdegoddi addit konkrehta ávžžuhusaid ráđđehusa čuovvoleapmái.

Dokumeanttat

Áigi: Njukčamánu 12.-15. beivviid dii. 10-18 buot beivviid. Báiki: Genève, Sveits

Gulahallanolbmot: Sámediggeráđđi Silje Karine Muotka, mob. +47 98 48 75 76, fágajođiheaddji Jon Petter Gintal, mob. +47 99 77 48 48

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!