Árranságastallamat - sámi mánáidgárddiid sisdoallu sámi árbbi vuođul - Guovdageaidnu

Sámediggi lea álggahan prošeavtta Sámi mánát ođđa searvelanjain mas oaiveulbmil lea ahte sámi filosofiija galgá leat vuođđun sámi mánáidgárddiid sisdollui, gos sámi árvvut, luonddufilosofiija, giella, kultuvra, jođiheapmi ja árbedieđut guddet pedagogalaš barggu.

15.10 - 09:00

Prošeakta galgá ovddidit sámi mánáidgárdepedagogihka ja didaktihka sámi filosofiija vuođul, buoridan dihte kvalitehta sámi mánáidgárddiin. Prošeakta galgá ovddidit ođđa bargomálle mii vástida sámi jurddašanvuohkái iešguđet guovllus sámis, gos sámi árvvut, dekoloniseren ja iešstivrejupmi lea vuođđun. Dat gáibida maid barggu gelbbolašvuođaovdánemiin sámi giela, kultuvrra ja árbedieđuid ektui. 

Sámediggi bovde dutkiid, sámi mánáidgárdeeaiggádiid, mánaidgárdejođiheddjiid, mánáidgárdeoahpaheddjiid ja eará berošteddjiid árranságastallamiidda gos ulbmil lea gulahallat movt sámi mánáidgárdepedagogihka sáhttá ovddidit sámi giela ja luondduipmárdusa vuođul.

Báiki: Diehtosiida, Guovdageaidnu

Dáhton: Golggotmánu 15. beaivvi 2019

Fáddá: Sámi mánáidgárdepedagogihka sámi giela ja luondduipmárdusa ektui

Prográmma/program PDF | 398.074 kB

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!