Oza girjjiid ja eará Sámedikki girjerádjosis

Sámedikki girjerádju lea Kárášjogas ja lea Sámedikki hálddahusa oassi.

Girjerádjosis lea Norgga stuorámus girječoakkáldat ja eará ávdnasat sámegillii ja sámi diliid birra beroškeahttá gielas. Dáid sáhttá gáiddusluoikkahit vaikko gos Norggas.

 

clock.png

 Rabasáiggit:

Girjerádju lea rabas buohkaide vuossárggas bearjadahkii, dii. 09.00-15.30.

Luoikkahit ja diŋgot

Šatta luoikkaheaddjin

Go áiggut várret dahje luoikkahit Sámedikki girjerádjosis, de ferte leat registrerejuvvon luoikkaheaddjin girjerádjosis. Jus áiggut luoikkaheaddjin šaddat, de fertet fitnat girjerádjosis Kárášjogas. Luoikkaheaddjit eará báikkiin riikkas fertejit diŋgot mis luoikkasin iežaset lagamus girjerádjosa bokte.

Luoikkahit eará girjerádjosiin

Jos dat ávdnasat maid háliidat eai gávdno gáirjerádjosis, de sáhttit mii diŋgot daid dutnje eará girjerádjosiin (gáiddusluoikkaheapmi).

Várret, diŋgot ja guhkidit luoikkaheami ORIA bokte

Don sáhtát ORIA bokte ohcat girjjiid. Das sáhtát maiddái várret, diŋgot dahje guhkidit luoikkaheami.

Ná geavahat Oria

Go áiggut geavahit ORIA, de registreret vuos luoikkaheaddjin. Dalle oaččut luoikkahankoartta mii maiddái šaddá du luoikkaheaddji-ID. Dan maŋŋá sáhtát oažžut du iežat beassansáni ORIA:i loggemii.

Mu siidu/movt ráhkadit beassansáni

ORIA:i logget sisa go deaddilat «Logg på» bajimuččas olgešbeale ravddas ORIA:s.

Sámedikki girjerájus ii leat mielde rahpanfálus sisaloggensiiddus. Don fertet válljet BIBSYS institušuvdnan. Logge sisa du luoikkaheaddjiID:in ja BIBSYS-beassansániin.

Sisaloggenbagadus PDF | 540.213 kB

Girjebáhkat

Buot girjerádjosat sáhttet luoikkahit girjebáhkaid (depot) mis. Mis lea stuorra čoakkáldat mas lea sihke fágagirjjálašvuohta ja čáppagirjjálašvuohta mánáide ja rávisolbmuide, iešguđet sámi gielaide. Dasa lassin luoikat mii DVD:id, CD:id ja jietnagirjjiid. Čoakkáldahkii čohkkejuvvojit dat maid luoikkaheaddji/girjerájus háliida. Vejolaš lea luoikkahit guhkit áigái.

Váldde oktavuođa girjebáhkaid birra:

E-poasta: sambib@samediggi.no
Telefuvdna: +47 78 47 40 00

Nástečoakkáldat

Nástečoakkáldagas leat sullii 1200 tihttala, main lea čállojuvvon sámi diliid birra dahje leat čállojuvvon muhtun sámegillii. Eanaš oassi tihttaliin lea boarraset go 100 jagi.

Čoakkáldagas leat antikváralaš, hárvenaš, boarraset ja mávssolaš girjjit ja áigečállagat, ja muhtun kárttat gitta 1669 rájes. Dasa lassin lea muhtun tihttaliin maŋimuš 100 jagis erenoamáš árvu.

Čoakkáldat lea gieskat geahčaduvvon ja buot tihttalat leat dál registrerejuvvon girjerájusvuogádagas. Daid sáhttá de ohcat nugo eará ge dokumeanttaid.

Eanaš dokumeanttain nástečoakkáldagas leat luoikkahangáhppálat magasiinnas, muhto gáhppálagaid nástečoakkáldagas ii sáhte luoikkahit ruoktot. Muhtumin sáhttit viežžat daid ja daid sáhttá lohkas girjerádjosis.

Nástečoakkáldaga almmuheamit juohkásit dál otná beaivvi nammii ná:

  • Birrasii 10 tihttala 1600-logus
  • 80 tihttala 1700-logus
  • 430 tihttala 1800-logus

Čoakkáldaga boarráseamos girjjiin sáhttit namuhit Manuale Lapponicum Olaus Stepani Graan bokte (Stockholm 1669) ja Lapponia Johannes Schefferus bokte, máŋga almmuheami jagi 1674 rájes ja ovddas guvlui.

Álgoálbmotčoakkáldat

Sámedikki girjerádjosis ásahuvvui 2014:s sierra álgoálbmotčoakkáldat.

Álgoálbmotčoakkáldagas leat dokumeanttat álgoálbmogiid birra miehtá máilmmi, ja dál otná beaivvi nammii leat birrasii 200 tihttala. Dieinna lágiin leat girjjit maid Sámediggi lea čohkken ja ožžon skeaŋkan registrerejuvvon ja daid sáhttá luoikkahit/gáiddusluoikkahit.

Sámi bibliográfiija

Sámi bibliográfiija Norggas álggahuvvui Troanddima Universitehtabibliotehkas 1980:s, ovdal go dat virggálaččat fárrehuvvui Nationálabibliotehkii. Badjelaš 20 jagi áigi álge hállat vejolašvuođa birra ráhkadit oktasaš sámi bibliográfiija sámi bibliográfiijaid vuođul mat buvttaduvvojit Ruoššas, Suomas, Ruoŧas ja Norggas. Dat golbma eará riikka leat veahkkin gárven dán barggu ovttasráđiid BIBSYS:in, mas lea ovddasvástádus bálvalusa doaimmas.

Gulahallan girjerádjosiin

Følg biblioteket i sosiale medier

Fágajođiheaddji girjerájus



Girjerájusbargi



Konsuleanta girjerájus



Čálli gulahallan



Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!